يقول بشير شنان :
خلصت من جمله الخلان .. واحسن لي أعيش وحداني
ماعاد أعاشر جميع إنسان .. يكفي العذاب الذي جاني

العلم سلامتكم جميع ناوي اسافر للمغرب طبعًا اول مره
محاكيكم مدمن دبي لدرجة منفذ البطحاء والغويفيات
حفظوني من كثر ما اجيهم
والوضع صاير ما ينطاق في دبي غلاء على الفاضي خلاص مليت منها

الان الفكرة تدور على المغرب من كثر ما جاني مدح من الشيبان
في العمل ومن الاقارب طبعًا نظامي في السفر تغيير جو من
ضغط العمل ضغط الحياه اجمع
نظام قفل جوالك وراحة بالك
ميزانيتي حدود ١٠ الف من دون التذاكر والسيارة
شقة غرفة وصالة تكفيني الوجهه مراكش واقادير
المدة اسبوع كامل الأكل مطاعم وجبة في اليوم تكفيني
قهوتي وشاهي معي سهرات في النايت كلب يوم أو يومين
ونظامي ما احب اخذ طاولة وادفع مبلغ وقدره على طاولة
نظامي في شقتي ورائق لأبعد درجة عصيرات ما اكثر منها
اذا فيه طير شربت حق الجو وانتهى مافيه ما اشربها

العلم هل تكفي ١٠ الف ريال أو بالمجمل ١٨٠٠٠ الف درهم
لمدة اسبوع اذا نظامي كذا واذا أزود كم أوصلها يعني
و وين تنصحوني اسكن محاكيكم ما يحب الفنادق
ابي شقة خاصة حيل الوقت للحين ما حددته

عطوني نصائحكم بالذات اللي سافرو لحالهم

في انتظاركم يالمزاعيط