بالعكس أنا مؤيد وبشده فكرتكم ..
وألف مبروك مقدماً لكم .. والله يهنيكم ويسعدكم ..
بالنسبه للجدول .. لو تعدلون فيه وتخلون بدل مراكش وأغادير .. طنجه وفاس ومكناس وافران ..
يعني تتجهون لشمال المغرب لأنها تتوفر فيها اماكن التمشيه أكثر من كازا و أغادير ..
يعني يكون جدولكم كذا ..
العيون
من 9/1 الى 12/1
كازا
من 12/1 الى 14/1
طنجه
من 14/1 الى 17/1
فاس ومكناس
من 17/1 الى 20/1
افران
من 20/1 الى 23/1
وبعدها ترجعون على كازا قبل رحلة العوده بيوم .. وبكذا يكون جدولكم أفضل بوجهة نظري ..
بالنسبه للفنادق واماكن السكن .. وين مارحتي بالمدن الي قلتها لك راح تحصلي فنادق من الخمس نجوم للنجمه الواحده .. وكلها الخدمه فيها ممتازه جداً ..
اماكن التمشيه والسهرات .. مري على قسم مدن الشمال وراح تلقين مواضيع متعدده عن اماكن التمشيه فيها .. بالنسبه للسهرات فيه مطاعم عائليه كثير تكون فيها سهرات حلوه ..
المواصلات .. إذا كان زوجك من النوع الهادي .. استأجروا سياره وخلوها معاكم .. القياده بالمغرب سهله جداً وغير معقده .. وهذا الحل الأفضل حفاظاً على خصوصيتكم ..
أما إذا تبون سواق يكون معكم طول مدة الرحله .. موجود وإن شاء الله راح توصلك أرقام السواقين الثقات من الاعضاء ..
بالنسبه للميزانيه .. راح تكون بين الـ 20000 و الـ 30000 .. من غير تذاكر السفر ..
وأي استفسارات أخرى أنا حاضر ..
__________________
نلتقي .. لنرتقي ..