رد: دعوة للمقاطعة ... تكفون ياشباب !!!؟؟؟
إسمحلي أخوي .. انا اخالفك تماماً ..
ومن هالمكان أنا اتحدى ثم اتحدى ثم اتحدى إذا كان فيه شخص تعرض لأي مضايقه وهو محترم نفسه ومحترم البلد الي هو فيه وأنظمته ..
اتركنا من السائح الأجنبي وش يسوي وكيف تتم معاملته ..
أحترم البلد وأحترم الشعب صدقني راح يحطونك على راسهم .. وراح يخدمونك بكل مايقدرون عليه ..
أما الفئه الي انت تتكلم عنها .. مايشرفني انها تمثلني كخليجي .. ناس فاهمه السياحه غلط .. وعندها فكره إنها شاريه العالم بفلوسها .. سلامات انت وياه ..!!
تلقاه بشقه رافع المسجل لآخر شيء .. ومسبب ازعاج للجيران .. ولا يبي احد يقوله شيء ..
أو تلقاه طالع يتمشى بالشارع وهو سكران .. ومعه وحده ماتمثل المغربيات العفيفات .. فاصخين الحياء والمستحى .. ولا يبي أحد يقوله شيء ..!!
معليش كلنا نروح وننبسط لكن نحترم البلد وشعبه وعاداته وتقاليده .. وبالمقابل نلقى كل الاحترام من الشعب المغربي العزيز .. لا على مستوى الحكومه او الافراد ..
انا صارلي موقف أعتبره أصعب موقف مر علي في سفراتي كلها .. فقدت جواز سفري ..
والحمدلله اني فقدته بالمغرب موب بدوله ثانيه .. والا كان راح ادفع مبالغ طائله بس عشان اسوي بلاغ بالقسم عنه ..
لكن بالمغرب رحت للقسم وتم التعامل معي بكل إحترام وخدموني جميع الي بالقسم من رئيسهم إلى أصغر فرد .. وخلصوا البلاغ لي بفتره قياسيه .. ولا احتجت ادفع ولا درهم الا حق الطابع ..
وهالفتره ناس كثير نعرفهم راحوا هناك .. ومبسوطين ورجعوا ماشافوا اي مضايقه من أحد .. لأنهم ناس محترمين انفسهم ومحترمين جنسيتهم ومحترمين البلد الي هم فيه ..
اعذرني عزيزي المقاطعه فكره مستبعده جداً لدوله زي المغرب .. بالعكس بالنسبه لي مبسوط بالي يصير بالمغرب .. علشان الواحد يروح هناك وهو مرتاح ومتطمن انه ماراح يشوف مشاهد ومناظر تصدر من اشخاص للأسف محسوبين عليه ..
__________________
نلتقي .. لنرتقي ..