رد: استفسار من اخواني المزاعيط للأهمية
اقتباس:
السلام عليكم : وين احسن مكان يكون أمن اذا معي فلوس كاش وانا بالشقة والأغراض الثمينة
وعليكم السلام .. تقريباً الفنادق ذات الأربع والخمس نجوم يكون فيها سيفتي بوكس وراح تدفع عليه من 20 إلى 50 درهم يومياً عشان تستفيد منه ..
اقتباس:
ثانيأ : واذا احد الضيوف اخذ شي من غير علمي وش الحل ؟؟
الحل انه قبل يطيح الفاس بالراس تكون حريص على اغراضك .. لأنك لو فقدت شيء لا قدر الله صعب جداً تسترجعه ..
اقتباس:
ثالثا: هل يوجد في كل الشقق مسجلات عشان ابي اخذ معي سيدهات وهل مسجلاتهم اشرطة قديمة او حديثة سييدي
لا مو كل الشقق فيها مسجلات .. بعض الشقق الحديثه ممكن يوفرون لك هالشيء .. لكن الحل الأنسب تاخذ معاك اللاب توب + سماعات خارجيه ..
اقتباس:
رابعأ: انا بأخذ معي بطاقة الصراف للأحتياط وهل يجب علي ان اروح للبنك وخلي الموضف يفعلها دولي ولا مايحتاج ؟؟
حسب علمي .. إن كل البطاقات التابعة للبنوك السعوديه تشتغل دولياً أوتوماتيك .. لكن مايمنع انك تسأل البنك زياده بالاطمئنان ..
اقتباس:
اي افضل بطاقة الأهلي او البريطاني ساب وكم الفئدة اللي بيأخذها البنك على كل عمبية سحب
ساب هو البريطاني وش الفرق بينهم ..!!
على العموم حسب تجربتي ساب أفضل من الأهلي .. والأفضل منهم الامريكي ..
والفائده تختلف من بنك لآخر .. لكن أقل بنك جربته وكانت فائدته قليله هو البنك الأمريكي تقريباً ياخذون عموله 16 ريال على السحبه أو بحدود هالمبلغ ..
اقتباس:
والله اللي يجاوبني على هالأسئلة اكون له من الشاكرين
العفو .. وإن شاء الله اكون قدرت أبين لك شيء بسيط ..
ومايمنع يجي أحد بعدي يعطيك معلومات أكثر ..
__________________
نلتقي .. لنرتقي ..