رد: هل شهر ديسمبر مناسب للسفر للمغرب ارجو الافاده والنصيحه
اهلا وسهلا بيك اخوي علي اولا :المغرب حلوه طوال السنه وبنسبه لشهرديسمبر الجو حلو ومطر هتان يميل للبروده وتقدر تطلع على الاحوال الجويه الي منزلينها الاخوان بنفس الموقع(بقسم صالة عشاق المغرب العامه) وعموما حسب علمي تبداء عندهم الامطار والان فيه امطار ومع دخول الشهر الجديد :فاذا كنت رايح بداية الشهر او منتصف الشهر فاكيد الجو روعه ولسا ماشتد البرد عندهم .وعموما بردهم غير .
بنسبه لحجزك بطيران الاتحاد انا جربته في رحلات جدا طويله اكثر من مره ومستواه قريب من الخطوط السنغافوريه ارقى طيران بلعالم . وحقيقه الاتحادرروووعه وفوق الوصف راح ترتاح فيه وخدماته وتعامله شي محترم .ومواعيدهم حلوه ولاهم انظمة السلامه والمراقبه جدا مميزه يعني مو طيران خرده .وللمعلوميه هناك خدمه مجانيه في الدرجه الاولى ورجال الاعمال.سياره توصلك من والي المطار.اما الدرجه السياحيه الي هيه المرجان فيه باص مجانا توصيل من والي المطار بس مش كل الدول محددين بعضها ومدري المغرب فيه او لا (بس لاتزم تسجل اسمك وتواريخك عند قص البوردنك وراح يفيدونك وكذلك بنفس الطياره فيه برشور تعبيه وتطلب الخدمه هذي وترى قليل الي يطلبها وماحد داري عنها .الا درجات الاولى والثانيه .يستغلونها. هذي معلوماتي بنسبه لحجزك.وحقيقه لولا ان المسافه من ابوظبي الي كازا تقارب 9ساعات كان ما اروح الا عليها .
بنسبه للمغرب تروح لحالك او تكنسل للعام القادم ياقو قلبك ماشاء الله عليك بس ما الومك .اول مره تروح .انا رحت قبل شهرين ورجعت بعيد الاضحى وافكر اروح بعد 3 اسابيع .في ديسمبر .
يعمي هذي المغرب مو اي بلد .بس انصحك اذا كانت اول مره تسوي زي اخوك اول مره اروح لحالي للمغرب وتشتغل على المضمون تحجز وتاخذ الفوتشر لمدة اقامتك كامله بلفندق رحت لحالي وسكنت بلفندق مدة السفره كامله وللامانه من اجمل سفراتي ولن انساها ما حييت وهي الي خربتني هههههه .وبعدها تمردة وصارت اغلب سفراتي لحالي .تعيش حياتك الي تبيها انت ملك نفسك .وراح تتعرف هناك على ناس ينسونك الوحده .من ربعك ومن شعبهم .والفندق راح يحتويك اكثر ولن تشعر لابلغربه ولا بلبعد لانها بلد فيها راحه نفسيه .هذا رايي .وبصراحه الي عنده فرصه يسافر ويمبسط ولا يسافر هو الخسران .بس اهم شي الاعتدال بكل شي.
وافضل فندقين بنسبه لواحد يروح اول مره .كلوب فال انفا ....او كنزي بسمه ::والاول افضل بكثير وسعره 1200للغرفه وعن طريق مكاتب المبيعات يوصل 850درهم .
واتمنى اكون قدرت افيدك وتمنياتي لك بتوفيق .