إن كـنت تـنـشـد يارفـيـقـي عــن الحـال
قصيدة الشاعر / خلف مشعان
إن كـنت تـنـشـد يارفـيـقـي عــن الحـال ● مـالـي عـلـى كـتـمانـها عـنـك حـيـلـه
الصبـر عـن بــوح الأحـاسـيـس قــتــال ● والبـوح فـي بـعـض المواقـف فشـيلـه
لو كـل ما يطـري علـى البــال يــنـقـال ● مـاكــان شـفــت ان الـثـقـيـلـة ثـقـيـلـه
أبطـيــت أكــافـح ضيـقـة البــال بالبــال ● وأدفـع بـلى هـاجــوســهــا كـل لـيـلـه
اليـن أقـبـلـت مـثـل الـسـحـابـة بـهـمــال ● تـشـفـي غـلـيـل الـلـي تــزايـد غـلـيـله
طاحت ولاْ وفـق مـن حـنـاياك مـنــزال ● وابطـلبـك يابدر (تـكـمـي) المـخـيـلـه
ان قـيل ترعـد.. قلـهـم صــوت زلـزال ● وان قـيل تبـرق.. شـفلها أدنات حيلـه
مـابــي تنـاقـلـهـا هــل الـقـيــل والـقــال ● وتصـيـر مـن بعــد القصـيـرة طـويــله
يابـدر مانـي عـال لـو صـحــتــي عـال ● شـفـني من الصـدمات نـفـسي عـلـيلـه
أشـيـل حــمـلٍ لـو يـشـيــلـنّـــه جـــبـال ● الله وأمــانــه غـيــر تـصبــح نـثـيـلــه
أرمي مـن هموم الزمن واسحـب أدبـال ● وأنـزل عـن (الجوكر) وغيري يشيله
من كـثر ماشفت بحياتي مـن أنــذال !! ● بـديـــت أشــك ان الـنــذالـه فـضـيـلـه
ماطاح من عيني رجل.. طاحوا رجال ● ورجـال (يـابن حـنـيـف) ماهي قـليله
اقرب مـن اللـي قالـهـم ضـمــن ماقــال ● راكـان بـن حـثـلـيـن راعـي الجـزيـله
هــذا ولــد عـــمٍ.. وهــذا ولــد خـــال ● وهــذا رفــيــــقٍ مــا لــقـيـنــا بـديـلــه
سـبـحــان مـنـهـو يـا بــدر غـيّر الحال ● وحــط الـجـفـا بـيـن الـخـلـيـل وخليله
هــذا الـزمـــن يـبـغـالـــه لـســان دلاّل ● مـن يـسـتحـي هالوقـت واااعـزتي لـه
وقتٍ به (الراعـي) غـدى راعـي دلال ● كــلٍ عـلـى طـاريــه يـنـفـض شـلـيـلـه
ومن كان ساسه للـردى مضـرب أمثال ● الـيـوم يـِحْـسـب مــن كـبـار الـقـبـيـله
المــال يابـن حـنيف ملعـون أبو المـال ● ذل العـزيـز وعــز نــاسٍ ذلــيـلـه .!!