احبتي اليوم بدأت أقلب في الأوراق بين ادراج مكتبي ووجدت ورقة ابتلت من دمعة رغما عني سقطت عليها وبدأت التنهدات تخرج ،،

موقف لا انساه وابيات تداعب الوجدان فقلت بيني وبين نفسي .. لو الأعمار تهدى لهديتك باقي عمري يا سلطان الخير يا اميرنا المحبوب ،، وعزائنا فيك أعمالك التي لن تموت ،،،

رحمك الله يا الوالد الغالي ،،،

الشاعر/ راكان السويلم الغضوري العنزي وهذه القصيدة المهداه الى صاحب السمو الملكي الأمير سلطان بن عبدالعز ال سعود رحمه الله ولي العهد نائب رئيس مجلس الوزراء وزير الدفاع و*****ان والمفتش العام ويثنيها على صاحب السمو الملكي الأمير سلمان بن عبدالعزيز وزير الدفاع و*****ان حفظه الله ,, يقول فيها:


الوقت ظلما والليالي مدابير
وحنا مع الأيام باقبال وإدبار

مليت أنا المجلاس ومليت أنا السير
والقلب كنه يصطلي واهج النار

والبعد واجد بيننا وبين أغادير
لاواهني اللي مع الجو طيار

من فوق ذيك اللي تحدا المعاصير
تمشي لو أن الجو به عج وأغبار

تلفي على ذيك الوجيه المسافير
وعلى العجل فنجال بن(ن)مع بهار

ويسمح لك بشوفة حفيد المناعير
سلطان سلطان الوفا وا ف الأشبار

وتسلم على اللي له معزه وتقدير
مثل المطر يحيي هشيمات الأشجار

بس شوفته تكتفي تزيل التفاكير
للي غدا همه مثل ضلع سنجار

ياأميرنا سلمان ياسايق الخير
بشر قلوب تنتظر طيب الأخبار

ولي عهد المملكة جعله بخير
زف الخبر من بين شاشات الأقمار

أبذبح العيده وأزف التباشير
حتى حمام الورق يبي يشيل الأشعار

من عقبكم صدري تقل به مسامير
لا صار في لوح(ن)ومن كف نجار

وأن خانني تعبير أوصاب تعبير
كل (ن)معرض للخطا حتى الأخيار