مساء الخير اخواني المزاعيط كل وحد منكم باسمه وصفته كما اسلفت نزلت عند فندق رويال ميراج وتوادعت مع صاحبنا وتواعدنا على الرباط عملت جيك اوت من الشقه وهيه(أون فاص) بحال مايقول المغربه يعني متقابله مع الفندق العماره بعد يومين جاني صاحبنا على الشقه على طول كما تعرفون من طرفه وفرحت انا بجيته لي من فاس لما دخل بعد السلام الحار قالي اسمع انا بكون في الرباط لكن ماراح اكون ضيفك تغيرت ملامحي قالي لاتزعل انا بكون و(؟!) ضيوف على قريبه لها في الرباط في حي الرياض (شارع النخيل مقابل حمام النخيل ) وصوله لي على الساع3 ديال العصر ما اطول عليكم قالي الرباط حلوه العصر خلينا نخرج نشوف الدنيا( ونجيب شي دويره) طلعنا على سيارته متوجهين الي السويقه عن طريق شار ع عقبه ومن ثم شارع النصر ومن ثم شارع المغرب العربي الكبير حتى وصلنا باب الحد واقامة السعاده ترجلنا من السياره وبينا حديث شيق قلتله انت رايح على وين انت تعرف الرباط ؟؟ قالي وعيناه تتدفق( ثقتآ و خجل غير حشوما عليك البلاد هدي انيا مواليها)تعال بس مشيت معاه واذا بي في مقهى في الدور الثاني في شارع علال بن عبدلله اسمه مقهى(الشبيبه) رايق وهادي وقالي عمرك جيت له قلت لا قالي اعرف شوف الناس الي وراك وجنبك لكن لايحس احد فيك أسترقت النظر بسرعه قالي شفت الناس الي عليهم الكلام قلته نعم وصل السرباي النادل ورحب بصاحبنا ترحاب حار جدآ وطلبنا القهيوه (سبيش يال) و قهيوه (نص نص) قلت لصجبنا ايش الطلب هذا قالي ما عليك اشرب وعطني رايك وانا ياغافل لك لله طايح لك في مقهى( سيتي أمار) اتاي وبس طلعت يا عيال ولله ماني فاهم شي المهم نرجع لمحور حديثنا مع صاحبنا واحنا نشرب النص نص و السبيش يال قلتله ممكن الستغل الجلسه الحلوه وتقولي قصتك مع المغرب و(؟!) واذا بي تطلع من صاحبنا (تنهيده) ولله ياجماعه حسيت بحرارتها وانا مكاني . قالي وهوه يتكلم عن نفسه و(؟!) والمغرب انا من أسره الرستقراطيه ايام ما كانت الاحساء تحت الحكم التركي أبي رجل تعليم قديم درس في الازهر واخذ دورات في لبنان في الستينيات من القرن المنصرم 20 وشاء القدر أن يكون عمل والدي في البحرين معار من وزارة التعليم وعشت من طفولتي في البحرين كذا سنه كانت في اواسط السبعينيات من القرن 20 وكنت ادرس في مدارس البحرين مختلط ومدرسين ومدرسات وتلاميذ وتلميذات وفجأه قرر ابي الرجوع الى السعوديه رجعان 79 ميلاديه قل تحصيلي الدراسي واخذ السنه في سنتين حتى اكملت اول ثانوي وتركت الدراسه وبمعارف ابي في الشرقيه حصلت على عمل حكومي هذا في 86 ميلادي وتشاء الصدف ان يذهب احد اعمامي للمغرب في نفس السنه مبتعث من عمله للعمل في المغرب وفي عام 89 ميلادي قررت ان ازور عمي في المغرب كان وقتها عمري 20 وطلعت على طيران الخليج من مطار الظهران الي البحرين ومن ثم الي كازا وكان معي في الطياره سعوديين كبار في (السن والقدر) واحد منهم قالي انت من وين وين رايح البحرين قلتله لا رايح المغرب عن طريق البحرين ضحك وقالي وينك وين المغرب ياولدي ثم قالي من عيال من انت اخبرته بسمي اسم ابوي وعايلتي عرفني على طول وفضحني عند الشياب الي معه وقالهم ولد فلان معكم على طياره اقترب مني واحد منهم وقالي ايش عندك في المغرب قلتله وانا خايف منهم انا رايح ازور عمي الي يعمل في(.....) قالي خلاص المطار في كازا وعمك في الرباط تنزل معنا لكازا ومن بعد احنا نوصلك للمكان الي انت تبيه وقالي عطني جوازك و عنوان عمك وتيلفونه قلتله حاضر وانا ولله خايف من الي يصير حواليي قلته انا كبير وانشاء لله اعرف ارتب اموري قالي هات ولا بيكون شي ثاني انا فلان بن فلان واتوقع سمعت بأسمي يتردد على مسامعك كثير من ابوك واعمامك واخوالك صح قلتله نعم وارتحت شويه وصلنا البحرين بعد 10 دقايق من الاقلاع وانا معهم في مطار البحرين جلسنا 3 ساعات وفي حدود الساعه 1 ليلآ اقلاع الي كازا وصلنا كازا بتوقيت المغرب الساعه 6 الصباح ونزلت معهم الي كازا 9 صبحآ كانو ساكنين عند واحد اسمه (ابو الاشبال) مشهور عند السعوديين ولا يسكنون غير عنده في عين دياب ملعب الدراجات رواد المغرب القداما يعرفونه المهم تغدينا وجابو لي تاكسي كبير ابيض اسمونه (6 بلايص)وقالو لسواق هذا امانه عندك لين يوصل العنوان وتتأكد انه وصل لشخص المعني به قالهم حاضر اخذ السواق الورقه الي فيها العنوان والرقم ومشينا الي الرباط قي حدود 2 وصلنا الرباط الساعه خمس قاطعته انا وقلت الرباط كازا قريبه مرا 1 ساعه قالي انت جديد كان الطريق ساحلي بين الرباط وكازا وليس سريع اوتوروت كان تطلع من كازا الي بسكوره ومن ثم تمر على سيدي مبارك وبعده حد السوالم وبعده بن سليمان (غير سيدي سليمان الي فوق القنيطره) ومن ثم عين حروده ومن ثم واد لحلو ومن ثم المحمديه ومن ثم واد النفيفيخ ومن ثم واد المالح ومن ثم الصخيرات ثم التماره والهرهوره ومن ثم الرباط وخجلت اني قاطعته وامسوي اني فاهم المهم يقول وصلت الرباط عند عمي وقالي حاسبت الرجال قلتله فلان الفلان حاسبه قالي لا واخذ 400 درهم واعطاه السواق وقاله وصلها للي بعثك بهذا الولد بعد ما عرف السواق مع من يتحدث وراح لسبيله جلست في الرباط 4 ايام رسميه كئيبه عند عمي وأستأذنته اني اروح كازا كم يوم عند الناس الي كانو معي ورفض رفضآ قاطع قلتله اوك انا ابغا ارجع لسعوديه قال اوكيه وحجزلي واخذ سيارة العمل والسائق يوصلني المطار المهم نزلني في المطار ورتب لي كل شي وراح وانا خرجة من المطار الي كازا . اخواني المزاعيط بكره انكمل