لآضاق صدرك عالي الصوت جره
لآضاق صدرك عالي الصوت جره
لآضاق صدرك عالي الصوت جره
لو كان قلبك ما يطاوعك مســـرور
دنيــاك لو تسوى من الحِــزن ذرّه
ما كــان تـالـيــها تـوابيت وقبـــور
وما كان للكـــــافر بعمـره مســـره
وما شفت في ملكه ملاييـن وقصور
العمـــر يمضي بين حلـوه ومـــره
والموت حق وقابض الروح مأمور
دام الحـيـــــاه الفــانيـــة مستـقـــره
ورزقك يجيك وبين الأجواد مستور
لاتـنـشغـــل بالـوقـت بــرده وحــره
واحذر تصير بقسمة النـاس مقهـور
وحكــم القـدر لاجاك خيــره وشــره
أشكـر عظيم الشان والذنب مغفــور
والمجـلـس اللي يـزعجــك لا تمــره
خلــه تـراك بشـوفتــه منت مجبـــور
والـرجــل سقها في صحاصيـح بــره
ومــد النظـر مابين ريضان وزهــور
لا صار وجه القـــاع ما فيـــه جــره
والمشـي حـافي والثــرى توممـطـور
ساعــات صمــتٍ ما وراهـا مضــره
تسوى الكلام اللي به إذنوب وإشرور
أطلق خيـــالك وأترك النفـس حــره
وخل الطبيعــه في حياتـك لهــا دور
وبالليـــــل لا بـانت نجـوم المجّـــره
أذكر بديع الخلق بـِ إحـساس وشعور
واسجــد لرب الكُـــون مــره ومــره
وإحفظ لسانك وأترك الكذب والـزور
وفـــروض ربـك خلـــها مستمـــره
وطاعتك لا يدخل بها نقص وقصور
**********