بيتزا بالصور

برستيج آنثى

المشاركات: 4,488

تاريخ التسجيل: Dec 2011

2012-01-26, 08:55 PM

بيتزا بالصور

السلام عليكم والرحمهــ

المقااديــــر

دقيق الفورص
فرماجة
خميرة الحلوة
نص كاس زيت البلدية
نص كاس د الحليب
شوية ديال الكتشب
شوية د الماء الا ماتجمعاتش ليك العجينة

مقادير الحشو

على حساب لي موجود عندكوم ألاخوات,أنا درت فيها

شوية الصوصيص
شوية صدر الدجاج
بواطا ديال الطون
جبن المودزاريلا
زيتون أسود
بصلة وحدة مشنفة وفلفلة خضراء
قزبر ومعدنوس
و الصلصة درت فيها 2ماطيشات وزيت البلدية والملح والابزار وماطيشة دالحك

المهم,عجنت المقادير دالعجينة وخليتها ترتاح,حتى نوجد الحشوة.
من بعد جبت العجينة وبسطتها فاللاطة ودخلتها الفران طيب نص طيبة

من بعد شحرت البصلة فشوية ديال زيت البلدية,وزدت الفلفلة خضراء.من بعد زدت الصوصيص والدجاج مقطعين طراف صغار,إوا وزدت العطرية ملحة إبزار كمون
فالاخير زدت القزبر والمعدنوس مقطعين
ودزت وجدت الصلصة ديال مطيشة محكوكة ومطيشة الحك
إوا خرجت العجينة من الفران ودهنتها بالصلصة وزدت الخليط ديال البصلة والصوصيص و...,زدت الطون والزيتون

ومن بعد زدت المدزاريلا

وهاهي فاش طابت

وبالصحة والراحة

نتمنا تعجبكم وماتحرمونيش من الردود ديالكم