. اعيوني اللي طوال الليل سهرانه
ماباتت الليل مدري ويش مشقيها
ماذاقت النوم سهرانه على شانه
ادور الحل يرضيني ويرضيها
كله سبايب بنيه حيل فتانه
هي ذكرتني جروح(ن)كنت ناسيها
جتني وقالت ترا الاخلاق خربانه
اسمع ترا عفت انا الدنيا وما فيها
قلت اعرف الأسم قالت لسم شيهانه
عاشت لسامي ياشيهانه وراعيها
شيهانه اقول ليش اليوم زعلانه
ابسألك هالسوالف ويش داعيها
قالت تراني بشر حساس وانسانه
واقول انا الله يستر من تواليها
قالت ترا القلب بعده زاد بجنانه
الروح ياكيف تصبر بعد غاليها
مدري تركته...تركني...صرت حيرانه
انا اعشقه بس حالي ما يداريها
اقول انا يادلع منتي بندمانه
انسي ووقتك يبين لك خوافيها
قبلك ترا اكثير خانه ذا الزمن خانه
صابر ولا همته كثرة بلاويها
من يطلب الصعب من خله وخلانه
من حب من جد ماظني يسويها
من بعد ماجات تشكي الهم شيهانه
سالم ترا من سببها رايح(ن)فيها .
__________________
العنيدة
ومن الدلع كل شي سويته بـ إنج ـآز !
حتى التمغط !
تشوفه فينّي مميْز
حَـضنئَ وحـضنـتهَ والوٍِلعَ شـَيِـِنَ