الموضوع: أبيات يتـيمه
عرض مشاركة واحدة
ابن مراكش
مزعوط فضي
المشاركات: 807
تاريخ التسجيل: Apr 2011
ابن مراكش غير متواجد حالياً  
قديم 2012-03-14, 09:55 PM
 
أبيات يتـيمه

أبيات يتـيمه


الشاعر/علي بن جابر الريحان ال جابر المري




لو قســـــــى وقتـــي علي محدٍ درابي


كـــــــون رزاق المــــــلا مغني عبيده



أتحلى بالصـــــــــــبر وأجحد صوابي


والصــــــــــــبر لو طال عاقبته حميده



لو ملك غـــــــيري جنيهات وحصابي


ماترجيت الفـــــــــــــــرج من مدة إيده



الفـــــــرج من عند من ينشي السحابي


واحـــــد ماشــــــــــاء فعل باللي يريده



عندي أصعب من طعن حدب الجنابي


منــــة اللي لاتجــــــــــــــمل عد جيده



ـــــــــــــــــــــــــ ـــــــــــــــــــــــــ ــــ



يا لطيف الـــــروح عــيني يوم وادعناكم


ودها تصــــخي بدمعــــتها وأنا كـــــانيها



ذقت جمع الشمــــل بأولها عقب فرقـــاكم


والحــــــــديث اللي يرد الــروح في تاليها



شبه صفراء من خيار الخيل مركب حاكم


باخــص في طــــيب مــــربطها ومتنقيها



جعل ماضــي العمر كله يالغضـي يفداكم


ومن عطــى ماضي سنينه ماذخـر باقيها



لو أبا أبيع العمر وأصخيه لأجل رضاكم


دايمٍ الأرواح ترخص في رضى غــاليها



ـــــــــــــــــــــــــ ـــــــــــــــــــــــــ ــــ




ألا واعـــذابي كل ماقلت قلبــي جاز


تردت عــزومه كل ماجيت بأصدي



ثقيل مع كــل المخـــــــاليق ماينراز


ويخـتف للي رفقته بيـحت ســـــدي



أنا حالف لو كان قدني على المعكاز


على رفقته من باقـي الناس ما أبدي



إلى قلت له بأصد وأنســاك مايعتاز


جبرني غلاه وقلت مانيب من جدي



ـــــــــــــــــــــــــ ـــــــــــــــــــــــــ ــــ




عفـى الله عن عـين بها النوم ماسجى


سـبب واحــدٍ مني خذا القلـب عاريه



غـرامه لجى في داخل القلب وإلتجى


مثل ما لجت بعض الدول للسعوديه



يذكـرني البــــــــراق في ليلة الدجى


جبـــــينه إلى فــرّع والأنوار مطفيه



|أنا حالف ياصاحبي ما أقطع الرجى


لو إن نسبته خمسه وعشرين فالميه



لك الله طرف العين بالنوم ما أهتجى


كما طرف مطلوب القضا من دوانيه



ـــــــــــــــــــــــــ ـــــــــــــــــــــــــ ــــ




من كثر ما نــــداري حـــبنا بالنظافه


لو علينا صــــــيام ما جرحنا الصيامي



ياوجودي على ذوق العسل من إشفافه


زين ذوقه حـــلالٍ عقب ماهو حرامي



ـــــــــــــــــــــــــ ـــــــــــــــــــــــــ ــــ




عيني اللي حاربت نومها يابوشــــجاع


كل شي من لــذيذ المنام يصــــــوعها



من سبايب جادلٍ يوم نوى بالــــوداع


إلتفت يمي وعــينه تهل دموعـــــــها



يوم نوى للموادع كفخ قلبـــــي وزاع


زوع شيهانة جبالٍ حــداها جـــــوعها



لاطـرت لي كلــمة قالها زاهي القناع


وقفت نبضات قلبي على موضوعها



ـــــــــــــــــــــــــ ـــــــــــــــــــــــــ ــــ




هقــوتي إني بأقصر الثوب وأخلي العقال


يوم ديّن من قصـــر دونه الحــظ التعيس



لعنبو حظٍ قصــر دون من يزهى الجمال


سعد أبو من قــابله ليلة الجمعه عـــريس



ياوليفي وإن حصلي في صحيفتكم مجال


والله إن أصــوم الأثنين وأصوم الخميس



أول النظرات قالو هل الفتـوى حـــــلال


زين نظرات المــواجه لو إنها من بليس



ـــــــــــــــــــــــــ ـــــــــــــــــــــــــ ــــ



يازين كبدي من المطراش منرضه


من عقب شوفك تكن الدمع وإتغضي



ياسعد أبو من غديت اليوم من حظه


يا طيب حظه وأنا بصبر على حظي
رد مع اقتباس