تقريري رحلتي الى كازا ومراكش
سلام عليكم
اخباركم يامزاعيط المغرب ان شاء الله بخير
المهم بطب ببطن الموضوع
هذا سلمكم انا اسمع عن المغرب كثير واجوائها وفلتها وبنفس الوقت اسمع التحذير
والمخاطر المهم انا كنت ناوي الفلبين بس لي صاحبي اشغلني نبي المغرب نبي المغرب
قل تم المهم عطيته ووعد وضبطنا امورنا وحجزنا طبعا لا انا ولا صاحبي عمره راح للمغرب
هو سال بطريقته وانا بالمنتديات الف وادور يعني اخذت فكره معقوله شوي
وتواصلت مع النجم الاول الي ماقصر بكل شي من اساله وارقام وكل شي
حقيقه ريحني كثير
المهم وكلمت ولد عمي قلت خوي هو طبعا يدرس ببريطانيا
المهم قلب اموره يمين يسار لعله وافق وحجز
المهم ضبطنا امورنا انا وصاحبي
وركبنا الطياره المغربيه ووقفت بجده ساعه ونص تقريبا
وبعدين على طول لكازا المهم وصلنا لكازا ولقيت ولد عمي ودخلنا للمطار طبعا قايل
لصاحبي انتبه تدفع اكراميات الا للضروره تعرف ماودكم تعودهم
المهم مشت الامور يعني تعامل حقين المطار اعتبره جيد جدا
ولقينا وولد عمي يعني عددنا ثلاثه
سلمنا عليه اخبارك العلوم يلا مشينا
وحذرتهم من كلمه الله يعطيك العافيه
بس مافاد التحذير خصوصا ولد عمي
كل من شافه وكلمه الله يعطيك العافيه بعدين اتدخل انا ترى قصده الصحه ههههههه
صراحه عجزت اعودهم هههههههههه
المهم حنا واعدين وحده الله يذكرها بالخير معها سياره وحاجزه لنا سكن لقينا وسلمنا
اخباركم علومك وركبنا سيارتها طبعا صغيره مره سيارتها تقول تراها فطفوطه ترى
ماتشيل اغراضكم قلت ماعليك تدبر ونضبط الامور وركبنا طبعا مواصلين بس مع الوناسه
طار النوم ونتفرج على السيارات والشعب قلت لو سمحتي نبي سوق مرجان نبي
نشتري اغراض ورحنا للسوق المرجان ودخلنا طبعا عيون الشباب الي معي تفرج
مستانسين على الاخر قلت يلا ياشباب عجلو شوي حتى نريح وشرينا شرايح مغربيه
واغراضنا ومشروباتنا ......
طلعنا من السوق ورحنا للشقه قريبه من سوق التوين امام المدرسه الفرنسيه
يعني تبعد تقريبا عن سوق التوين من سبع دقائق الى عشر دقايق
وقفنا السياره ونزلنا للشقه وجت صاحبه الشقه كانت كبيره شوي بالعمر
دخلنا للشقه ونتفرج كانت دورين الشقه نظام درج معلق خشبي
يعني الدور التحتي صاله ومطبخ ودوره مياه الله يعزكم
وفوق غرفتين ودووره مياه اعزكم الله
بعد ماشفناا الشقه جاء الاتفاق جلسنا انا وصاحبتنا الي جايبتنا وصاحبه الشقه
كم السعر قالت الف وميتين درهم وقالت اذا اخذتو ااربع ايام وزياده انزل لكم طبعا الي
يقول خلينا ناخذ انا طبعا رافض انا اخذ اكثر من يوم علشان ماتتوهق
هذا نظامي باي بلد كان مستحيل ادفع اكثر من يومين تعرف ماتدري وش يصير عليك
حتى لو زاد السعر عليك شوي بس يمكن تبي تطلع ماعجبك حصلت احسن منها
بعدين تتحسف وتنكب هذي نصيحه اشوف انها مناسبه وخصوصا بالدول العربيه
المهم مالكم بالطويله قلت انا ابي يومين قالت خوذو ايام كثير ارخص احسبها لكم ب1000
قلت والله مادري يمكن مايعجبنا الوضع ننزل مراكش ويمكن ننكمل بس الان نبي يومين
بس قالت اوكي 1200 قلت اوكي كان تعاملها جدا ممتاز
طبعا كان لي شرط وخبرتها قبل انه الضيوف يدخلون قالت عادي بس الازعاج ولايكون
الصوت عالي قلت لاتخافين من هالناحيه قالت اوكي
عطيتها حق يومين وسلمتنا المفتاح ونزلنا اغراضنا
وقلت لصاحبتنا مشكوره وماقصرتي وعطيتها 1000 درهم تستاهل صراحه البنت
جدا مؤدبه وصدوقه وخاطرها سمح طبعا رفضت هي قلت هذا حقك
فاصل ونواصل
المعذره على الاخطاء الاملائيه