الموضوع: الفلم من بدايته عام 1998م والزعطه القديمه لـ ماكين والو
عرض مشاركة واحدة
ماكاين والو

المشاركات: 471
تاريخ التسجيل: Jan 2011
الدولة: الرياض
ماكاين والو غير متواجد حالياً  
قديم 2012-04-02, 12:17 AM
 
Lightbulb رد: الفلم من بدايته عام 1998م والزعطه القديمه لـ ماكين والو
منورين المزاعيط

حقيقه ان الذاكره تخون احيان لقدم المذكره
ولكن بعد اجتهاد
كنا اول يوم بعد وصول اخويانا متعبين جداً من السفر وعدم النوم وكانت الفله ست غرف وفله مبين انها من فلل اثرياء فيه امكانيه لتاجيرها للسياح والحقيقه ماهي شينه بالعكس لها رونق مميز
خصوص وانه موجود لكل واحد غرفه واكثر من ثلاث دورات مياه كرمتو ومطبخ ومدخل وحديقه وكلب حراسه وعساس وكل خدمه تبيها بتلقاها حداك
هذا من ناحية الفله

عن الشباب مافيه من جاء للمغرب غير اثنين على اغلب الظن وانا والاثنين الباقين اول مره واميرنا ابواحمد بالاجماع

نمنا وارتحنا الى طق الامبير
من بكره
قال اميرنا
يالربع نبي نقضي للثلاجه مقاضينا

قطينا بالتساوي وطلع له الف درهم قلنا يابواحمد نزود قال لاتزودون

ابروح انا اقضي : (69):قلت ابروح معك
عاد انا ياحبي للطلعات واكتشاف البلد الي اجيه فما بالك كازا وما ادراك ماكازا
ركبت السياره مثل الطفل الي راكب يشاهد احلام مذهووول من حياة ونمط حياه مشابه لحد ما للحياة عندنا زمان وانتهت بنهاية السبعينات الميلاديه

ناقوس حي مباشر يدق في عالم طفولتي في الرياض العاصمه واكثر من ذلك ما تراه من الشاهين وال**** المحلقه والتي تمشي على الارض
شعب المليون طبقه من الانسان المتشرد الى العالم والدكتور تتعجب من نمط العيش وكيف هذا الفقير يعيش ؟؟؟ نعم يعيش ياكل وينوم
!!!!! والكثير والله للمتفكر

ماصارت مقاضي اثر ابواحمد مر بي على راعي غنم وراء سيدي معروف من جنوب وتل الهريفي الي يبتسم وحنا نذبحه وقطعناه ثلاجه ومر مزرعة باسطين غلتهم وحنا الي نشل من الخضار والفواكه الشنطه والمراتب الخلفيه مليانه ماتعدت كلها 700 درهم مع الحولي ابوقرون
الله يديم الرخص
المعيشه رخيصه في البلد
رجعنا ولا الشباب وجيهم بتشقق من الونس اثر هم ****ً غردت في اراضيهم على هالتشقق وتغيرت نفسيه ولد عمي صار يهدر قلت وش السالفه يبناخي قال مادرنا وااااااالو ههههههههههههههههه
كنت شخصياً ملتزم بتعليمات خبركم ومقيولن لي القنص بالتركد و---
ولا الشباب يبون السهر كان الاشهر اطلنطيس والا البلاك هاوس
واستقرينا على البلاك هاوس
كان الحاله قضيه
ضاع الدرس دخلت ميدان حامي الوطيس غرامياً
كان ذهول الشباب واصل مداه الصراحه الا ابواحمد الامير وانا الي قمت اخمس واسلسل كني في حارتنا حلفو المغاربه ان هذي عاشر مره اجي وانا ابهم الرد لاغراض امنيه
ما اقول كنت سوبر ولكن هذا كلام وحده قالت لي انت غريب قلت ليه قالت البلاك هاوس يهووس المغاربه فما بالك بالسعوديين والخلجيين وانت كنك في حارتكم
قلت في نفسي والله ماتدرين من معك -------رافت الهجان مستخبركم ههههههههههههه

يالربع دارت ذيك الليله الساعه ثنين وكل واحد منا سرى وخاطره سالي الا انا الي مسوي فيها زعيطي ههههههههههههههههه
اثري ماتوفقت في ابوالريش وخلي ذيك الليله تجلي واجليها

تالغداء لانامت اعين الجبناء
هههههههههههههه
باقي يالربع بطونا تعصفر الساعه اربع ونص الفجر عقب السريه من البلاك هاوس
ويغدي بنا ابواحمد للبطوار هذا مكان شعبي فيه روس ومقادم ومعاليق يفتحون من الفجر
ونقلبها راعين سكوس كلينا لين شعبنا وحمدنا الله

سرينا للبيت في الطريق تشوف في كازا مناظر صراحه احيان تكون مرعبه
لا اريد ذكرها بالتفصيل ولاكن هذه المناظر تحصل في انحاء كثيره في المغرب وطالما في المغرب لاتستغرب
كنت انوم 4 ساعات واصحى الصبح ما ابغى افوت هذا الوقت العظيم في اليوم كنت القط مفتاج السياره واخذ عزالدين شويب في حاله وقبله يكمي وحبوب ما منه شر ويعطيك معلومات وقصص عن تاريخ السياح السعوديين في الستينات والسبعينات
اخذه واقوم ولد عمي انكد عليه لين يقوم اقوله خل النوم في الرياض
نبي نتمشى ياعز الدين دلني انا بسوق قال شبغيتي من بلاصه نمشو ليها
قلت نواحي كازا ونروح لطريق فيه مزارع ورعاة بقر وغنم ونفل زوليتنا ومعنا مشروبات ومياه وغيره وجو على ماقال ودك تركض ----
للحديث بقيه ومسروووو لمتابعتكم وتعليقاتكم يالمزاعيط
__________________
تستطيع أن ترى الصورة بحجمها الطبيعي بعد الضغط عليها