رثاء الملك فهد يرحمه الله
مرات تصدق علوم ليت مـا تصـدق
واشين جميع العلوم , الموت والفرقى
لا مات ابوك الـذي بمحبتـه يفـرق
تشوف حتى السماء سوداء وهي زرقا
الليله الدمع لحروف الحبـر يسبـق
واوراقنا من دموع عيوننـا غرقـى
سحاب حزن ٍ مزونه للصدر تحرق
يا مُـر هالمـزن والرعـاد والبرقـا
يا ثوبي اغرق بدمع من غلاه , إغرق
راح الذي من خلقه الله وهـو يرقـى
راح اللي عداه من قولة فهد تشـرق
محرق قلوب الاعادي كلهـا حرقـى
له صورة بالبياض تزود مـا تعبـق
حتى وهو فالقبر فـي هيبتـه فرقـا
رمى عنان الفرس والسيف والبنـدق
وودع عروس الديار الشيخة الطرقـا
اللي ربت بين كفينـه وهـو يفتـق
صدر الدجا لين شاف شموسها شرقا
والله هو اللي يميت ويحيي ويخلـق
والعين تدمع نهار المـوت والفرقـى