ماتحتاجة لتكون خبير ومستشار في اغادير
من الاشياء اللي لفتت نظري بالمنتديات الخليجية عن اغادير .. هي السطحية العظمية
هي ثقافة القطيع بكل ماتعنيه الكلمة من معنى
لكي تكون من (( خبراء )) اغادير ومن العتاهية والمستشارين والراسخون في العلم .. في المنتديات طبعا ..
تحتاج معرفة وترديد معلومات ممكن اي احد يكتسبها في خمس دقائق ( مع المراجعة )
إليك اخي المزعوط الجديد هذي المعلومات رددها وتصبح (( عربيد )) اغاديري ..
اذا جاك سؤال وين نسكن ؟؟ تقول صحارى واماديل وبس .. مارينا تغير وضعة .. وتقول صحارى اكثر حرية بس اماديل افخم .. ويكون لك رأي متعصب لأحد الفندقين
وين اماكن الفلة والسهر ؟ مخيطو .. الكازار .. العنبرة .. اتلانتك .. شهرزاد .. وطبعا دائما خل لك رأي متعصب لأي شي منهم عشان تصير خبير !
الاكل !! خذ ولد .. مطعم اسماعيل .. القلعة وشواية النهضة ..
التكسي ياخذك من المطار بثلاث مية مع الوقوف عند مرجان
مبروك !! صرت خبير من الطراز الاولي