دخلت قبر العذاب ملي شفت لفراق
ما قدرت نحبس دموعي و قلبي ليك مشتاق
ليلي كيف صباحي..حبك نومي سراق
تانفكر فليوم اللي صباحي فيه يشرق
** **
مالكاني..مالكا قلبي و روحي
و كلي مستعمرني
كل حرف مني
تينطق باسمك
نتا اللي عندي
فهاد الدنيا
سبحان الله !
تجمع زين رجال لكون فيك
كيفاش قدرتي تختصرالجمال كله نتا ؟
** **
واش ننسا كلامك الكاذب على العشق و لغرام
يسمعو جماد يسجد...و تحس بيه اصنام
ملي ما قادر على كلمة كنبغيك علاش تقوليها ليا
ملي بعيدا عليك التضحية علاش تكذب عليا ؟
** **
نكتب كل كلمة
بقطرة من دمي
شكون اللي يقارن
همو بي همي
علاش تنحس باللي
الدنيا ديما ضدي
علاش يوقع هادشي معايا
و ديما تنعدي !!
** **
باش غادي نوصفك
نتا ما توصفك
وراق و لا قلام
نتا فوق الوصف
نتا وصفك محتاج لوصف
يا ربي..كيفاش غادي نوصف
الجمال بالجمال
و الحنان بالحنان !!
** **
فليلة من ليالي الوحدة
جالسه رافعه وجهي للسما
تنرسم وجهك في السما
عينيك نجوم و فمك كوكب تايه
شويا شفت لقمر نازل للأرض
ووقف حدايا
ماعرافتش واش تنحلم
حيت نتا اللي لقيت حدايا
__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا
ربي اغفر لي ذنبي فانه لا يغفر الذنوب الا انت