رد: بلاك موصيبة - التعليم
قاليك شر البلية مايضحك ههههههههههههههههههههههه
مابقيت عارفة واش نضحك ولا نبكي هههههههههههههههه
اودي هدشي للاسف كآآآآآآآين وغنكذبو الى نكرناه
وآآآآآاح شحال تفلقت وشحال تضربت وخا كت ظريفة هههههههههههه
ولكن ديما كنقلب على رضى المعلم ولا المعلمة ههههههههههه
كتضربني معلمتي اليوما غذا ناخذ البيض لي كاين عند دجاج ونديه ليها
ولا نمشي للجردة وحيد نعنا ونقيه ونديه ليها
وى كنمشي مع 8 ديال الصباح وفالعشرة كنخرجو استراحة اوى معلمتنا الزوينة تيكون فيها الجوع
كتقول شكون منكم دارو قريبة من المدرسة باش يمشي يجيب لي براد اتاي وخبز سخون وزـبدة
وانا نرفع يدي ستاذة ستاذة ستادة ونشوف كلشي فالقسم رفع يدو ستاذة ستاذة هههههههه
كل واحد بغى يمشي باش يجيب ليها فدارو
اوى تنطيييييييير بالفرحة ملي تقول ليا سيري الفلفلة حيت الله يسمح ليها كانت كتلقبني بالفلفلة
اوى كنمشي للدار كنلقى ماما مسكينة كطيب الخبز ونقول ليها المعلمة صافتني نجيب ليها ماتاكل
اوى هي بالزربة توجد لي احسن خبزة سخونة وتجيب الزـبده حيت عندنا البقر
وتعمل اتاي بالنعناع اوى وناخذ الميكا للمعلمة وانا فرحآآآآآانة
ولكن فالعشية كتجازيني المعلمة بواح تسليخة
كانت كدير لينا فلاقة بزآآآآف
مسخوطة وخا توكلها من لحمك وتشربها من دمك ماتعقل على الخير ههههه
اودي سامحناهم دنيا واخرة وكاع لي دروه فينا ربي يجعلو ليهم حسنات ههههههههه
وخا هكاك علمونا بزآآاف الحوايج والفضل ليهم بعد الل اني قدرت نقرا دبا
خويا مهاجر بان ليا اني نزلت موضوع اخر هنا ههههههههه حشى ان يكون هذا تعليق
اوى صبرو راه انا ديما هكذا خصني نشطح برا الموضوع هههههههه
__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا
ربي اغفر لي ذنبي فانه لا يغفر الذنوب الا انت