13 يوم باغادير وكازا وطنجه ومراكش مرورا بالرباط واصيله وتطوان وسبته
السلام عليكم ورحمه الله وبركانه
مساء الخير
كانت رحله موفقه جدا للتعرف على مدن المغرب علما انني لوحدي والحمد لله اني لحالي لاني استمتعت كثير كثير باي مدينه اوقف وباي مدينه اروح بدون اي ارتباطات وكان الذهاب يوم الاحد 1 - 7 -2012 والعوده يوم 13 - 7 -2012 .
طبعا استاجرت سياره من المطار ونوعها رينو ب400 درهم تقريبا 2012 ديزل وذهبت اول يوم بكازا وحجزت عن طريق بوكينق بالشيراتون تقريبا 510 ريال ليله وحده وتفرجت بنهائي ابطال اوربا بمطم ايطالي جنب الديوان وتعشيت وذهبت للاوتيل وبعدها الديوان وسيزار وبلاك هاوس.
صحيت من النوم الساعه 2 الظهر و على مراكش وكان الجو حار وجلست بالديوان شيشه وشاي وعلطول على اقادير بعد التنسيق عن طريق الموقع والجوال مع محمد عاطي على اساس باسكن بالمارينا وسالته عن كل شي وخصوصا الضيوف وقال كل شي هاني اجي بس طبعا شغلت طويله العمر الرينو وعلى اغادير ساعتين وانا واصل .
وصلت الكبيده ديالي اغادير وعلطول على المارينا وسللتهم عن حجز باسمي عن طريق محمد عطا وقال كاين شقه غرفه نوم وصاله وحمامين ومطبخ ب 1600 درهم شفتها حلوه الشقه بس الخدمه سيئه المهم طلعت بالليل اسهر وجاء الضيف معي لكن الريسبشن قال لازم تدفع 700 درهم قلت محمد عاطي قال لا مسموح قال لا بما انك ماخذ شقه صغيره ولوحدك لازم تدفع وطقيت 700 درهم لاني اتصلت على محمد عطا ومارد المهم ماجاني نوم والو اتصلت على عبده ديال المؤيد (ذيبان) لاني مجرب معه اكثر من مره رجال سيده قال تعال عندنا رويال اطلس 5 نجوم واماديل وصارى قلت رويال قال 1600 وكل شي هاني ولا حد يكلمك وارجع لمارينا وقلت للريسشن انا ابي اطبع وانا معطيكم مقدم 3 ايام قال ماترجع تروح عليك وبعد الملاعن قال نحولها لك لاي اوتيل بعد 4 ساعات واسلم الشقه واخذ عفشي واركبه بالرينو وعلى الرويال اطلس بصراحه روعه 5 نجوم وع البحر ونضيف وسكانه اوربيين ومغاربه اوتيل محترم وكلمني محمد عطا وقلت له ليش تكذب علي وتقول الضيف يدخل قال لا انا قلت الشقه الصغيره لازم تدفه بس اذا كانت اكثر من شقه عادي قلت لاتكذب وصدقني راح اكتب كل شي بالمنتدى وقلت له الفلوس ترجع لي حولها لرويال اطلس وفعلا رجعت بعد 5 ساعات وقضيت 4 ايام باغادير ولا احلى .
اليوم الخامس والسادس على مراكش وسكنت بسكره بيتش على طريق اوريكا سويت ب600 درهم وكان الجو حلو ومطر وانا انصح اي واحد يسافر مراكش لايسكن الا هناك سواء فله 4 غرف نوم او سويت اذا كان لوحده وعن طريق واحد سميته بلحاج مغربي رجال محترم وصادق وانتبهو من السوري عبدالاله .
طلعت من مراكش والله مادري وين اروح على فاس او على طنجه كان كل شي مفتوح لي المهم طلعت على الرباط وقابلت صاحبي بكافي وهدرت معه شوي مسكت طريق فاس ووقفت عند نقطه تفتيش الدرك وقلت فاس كم ساعه قال 3 ساعات وقلت طيب طنجه كم قال ساعتين وقلت يااولد طنجه وفعلا طريق رهيب جداجداجدا خضار وبحر وسكنت باوتيل اسمه سالوريس على البحر ب950 درهم وكان الجو مره حلو مثل اقادير بارد لكن زحمه مغاربه مره وعلما انها اول مره اجي على طنجه طلعت وتمشيت وفريت وسهرت واليوم الثاني رحت مغاره هرقل وشواطى عندها جنان وجو روعه وطبيعه احلى واكل طواجن عجيب وسباحه وبيره وشيشه .
طلعت من طنجه على تطوان وسبته (طبعا ماتدخل لها الا بفيزه اوربيه) بس انا ماعندي وقت يقال لي اتمشى بكل المدن ماردني الاعسكري قال معك فيزه قلت ليش انا بالمغرب قال لا هذي مدينه مغربيه اسبانيه : (85): رجعت على نفس طريقي وامر اصيله واتمشى فيها الصراحه مدينه صغيره وهاديه وبحريه روعه جدا والفلل على 400 درهم والشقق 200 وهذا احنا باجازه المهم طلعت ابي اغادير : (138): واقسم بالله ان ظهري انكسر من مسك الخطوط بس وربي اني انبسطت وتمشيت وشفت اشياء حلوه وغريبه المهم ماوقفت الا باغادير الكبيده ديالي واقضي فيها 3 ايام روعه اكل ونوم وسباحه وجيتس كي واخر يوم طلعت الساعه 10 الصباح من اغادير وانزل صاحبي بمراكش وصكوني مخالفه على مدخل مراكش 500 درهم كاش لازم وحركت من مراكش وحده ونص الظهر ساعتين وانا بمطار محمد الخامس سلمت سيارتي وجيتكم مدحدر الرحله كانها 3 ايام:
(458):
- للامانه نقلت موضوع محمد عطا لاني وعدته لاكتبه بالمنتدى وعشان الشباب ينتبهون وانا انصح بالفناق الفنادق الفنادق.
- المغرب بالصيف زحمه جدا كل المغاربه الا باوربا نازلين يصيفون .
- التكلفه كانت تقريبا 20 الف ريال من غير التذاكر.
- السهر كان قليل جدا.
- ياشباب والله ثم والله يالمارينا انهم نصابين وبكلام عامل بواب يقول هذولاء عصابه كبيره وقويه ولايستلمون الا بالليل واحنا العمال اكبر المتضررين منهم عشان كذا خلوكم حريصين تكفون.
- اول مره استاجر سياره كانت احلى شي بالرحله ولاحتجت لخريطه ولا توم توم
- اللي يشيش ياخذ شيشته معه وفرن صغير حق الفحم لانو بيرتاح.
.اسمحولي على الاطاله
التعديل الأخير تم بواسطة دكتور فلافل ; 2012-07-15 الساعة 06:51 PM