مــوضوع زوين ياقوتة
فكرتينا فالاياماتــ
أنــا كنتفكــر فالبدايات منين كنــا نصومو نصــ يوم
كان عمري 7 سنين وكنا فالمدرسة نتفقو البنات نصومو من الصباح للغدا
اصلا احنا كنقراو من 8 ل 12 يعني غي هاذ الوقت اللي نصوموه ههه
وكل يوم نتغداو عند وحده , كان رمضان فرصة لينا باش نتجمعو كل يوم فبيت وحده هههه
السنتين اللي موراها كنت انا وصاحبتي نتفقو نصومو اليوم كامل
لكن يوصل العصر نمشي انا نرغبها ولا هي تجي ترغبني المهم بجوجنا خاصنا نفطرو وقبل ما نفطرو نحلفوو بعضنا اننا غادي نفطرو باش وحده ما تغدر بالثانية ههههههه
واول يوم نصوم كامل يمكن كان عمري شي 12 عام هكا فليلة 27
صمت انا وصاحبتي وكل شوية نمشيو لدار وحده فينا وحلفنا ما نفطرو ههه المهم ديما متفقات
وعطاونا ماماتنا الفلوس باش نمشيو نشريو الحلوى اللي بغينا واحنا كلشي هذاك النهار بانلينا زوين ههه وفمنا ناشف بالجووع هههههه خذينا اللي بغينا وجايين فرحانين كل شوية نمشي نسولو شحال باقي
منين قرب ياذن كاينة واحد العادة كطلعي فوق السلوم ويعطيوك بيضة مسلوقة تاكليها
وموراها تجلسي فالطاولة ويكون فطور وااعر ليك لانك اول يوم صايمة وكل حاجه منها جوج طبعا غي العين اللي كتاكل اما الكرش صغيره هههه
ايوا فطرنا وسالينا ولبسونا التكاشط ودارولنا الحنة والكحل اول مرة وطلقنا الشعر وخرجنا ندقو على كل جاره ويفرحو بينا ويباركولينا ههههه
الصباح فالمدرسة ماكاين غي العياقة انا صمت البارح وكلي ولبست وعطاوني ههههه
شكــــــرآآآآ بنت حومتي على الموضووووع الوااااعر
__________________
.
الوقت الذي تستمتع باضاعته ، ليس وقتا ضائعا
التعديل الأخير تم بواسطة سلاوية الخاطر ; 2012-07-19 الساعة 08:31 PM