انا المغربيه مولات الزين الفتان
نبدا حكايتي بالصحراء المغربية و بيها نزيد نار المغيار
صحراويه حسانيه سمرا عسل نداوي العيان
بنت الساقيه الحمرا لعيون الداخله و طانطان
حررتهم بالمسيره الخضراء بذكر الله و نبيه و القران
بنت سبعاتو رجال مراكشيه بهجاويه ضحكتي تنسيك الاحزان
بنت اكادير اوفلا تزينت و زيت اركان ،سوسية نجمة مضوية،الحشمة تزينها
من صويرة الغزالة الباهية
من قلعه مكونه اجي قرب تشم الورد و الريحان
بنت الاطلس الاسود والأمازيغ احسن الفرسان
بنت ازيلال اوزود او بين الويدان فزيني تبقى حيران
فبوكماز طلع تشوف الجنه و الغزلان
بنت الشاويه دكاله و عبده بنت الخياله والتبوريده و مولاة القد الفتان
من الدار البيضاء انا بنت الحي المحمدي عين السبع
لمدينه لقديمه و درب السلطان
من العاصمه انا يكفيني ملكي محمد السادس حفيد طه المختار
بنت مكناس عيساويه الهمه و حلاوة لسان
فاس مدينه العلماء و الزين الفتان
تبع طريق الزين تديك لصفرو تازه و افران
ودوز على الحسيمة والناضور يا سلام على الريف و الزين ريفي
ارا اسيدي نكمل ليك حكايتي على الاصل
انا المغربيه مولاة الهمه و الشان
بنت ادريس الاكبر الي بغيتي جمال الاندلس سير لشمال و شوف بعينك طنجه و تطوان
الشرق وجديه بعقلها و زينها ملكات الوجدان
علمني احسن الاديان
بنت ابن بطوطه لي داني نجول لبلدان
بنت طارق ابن زياد أمازيغي اشجع الفرسان
بنت يوسف بن تاشفين الي زعزع قلب الاسبان
بنت عبد الكريم الخطابي
من المجدوب تعلمت حكمه و فصاحه اللسان
انا بنت المرابطين السعديين و العلوين
أنا مغربية أمازيغية عربية صحراوية
بنت الكرم و لجود و نخوة والأصل
ونختم حكايتي بالصلاه على اشرف المرسلين
و اخر كلامي هو:
شربيلي خدمتو فاسيه و قفطاني خياطو مخزانيه
حنيت يدي و رجليه بحنا صحراويه و نقرتي سوسية
ونبوس تراب بلادي و نهز راسي و نقول انا مغربيه
