* مشاركـ * علال القلده والزعطه * الجزء الثانـي *
اه فين خليناها؟ اه خليناها مني علال القعده ضرباتو فتله الزين على الشعى وصبح مزعوط
بعد مااستنشق البصله وعى اخونا علال القلده من السخفه وبدا يسترجع الوعي ديالو لاكن المشكل انه القليب تاعو دار رجيلات وهرب ماقدرش يقاوم فتله الزين عن رابحه
المهم ياسيادي ناض ومسكها من يديها وهي كانت اصلا شانقه عليه لا يهرب حيت هدي همزه نزلت من سما في ليله كان فيها القمر كامل يعني ماخاصهاش ضيع منها
المهم بعد ماوقف على رجيلاتو سي علال القلده والاخت شافت البيدرات والطوله والتجريده زادت قالت لله ياربي من زينو راجل جبتي لي وعوضتي لي صبري
علال القلده من الفلته الزين بقى غي كيشوف مصدوم قالها واش انتي انسيه ولا جنيه يكما انتي عيشه قنديشه انا عمري شفت شي وحده بهاد الزين عندنا بالدوار
ضحكت رابحه وغطت نص وجه >> دلع نساء
وقالت لي لا ولله الا راني انسيه بنت عائله غي الله يسامح في الى كان سباب وكان حارمي من الخروج
المهم بركو فوق واحد الصخره وحكات لو حكايتها من طق طق تال سلام عليكم
المهم علال القلده مني سمع داكشي قالها هادشي ماشي معقول لازم ندير حل
انا صافي راه تزعطت والى عطى الله عطاه مايمكنش نفرط في فتله الزين تاعك
قالت ليه لا حتى حد ماكيعرفني انا فين كاينه وراه با ماكيبغيش يخرجني باش مايجيوني خطاب راهم حابسيني غي لشقى الدار
المهم مشات يام وجات يام وكل ليله كتهرب رابه وكتقابل علال القلده في الظلام وناس الدوار شكو في علال القلده وداعت الخبار من بعد ماشافهم المقدم المختار وداعت خبار علال القلده في الدوار انه مخاوي جنيه
كيتلاقا بيها في نصاصات الليل ....
عرفو اهل علال القلده الخبار وناضو يجريو عليه من فقيه لفقيه ويديرو لي الحرارز باش الولد يبرا وماعرفوش راه كيتو سببها أمراه ماشي جنيه
المهم علال القلده كيف ديما في القاعه كيحضي الرحى والزرع والنوادر تاع التبن وكل مره كيتسلت باش يشوف رابحه تاعو الى عشقى ومابقى قادر يلقى لعشقها دوا
في واحد الليله كان غادي يلقاها في الطريق لقاها جايه ومن وراها المقدم المختار الى الدوار كلو كيدير لو الهيبه وكيجيب لو الخبار
المهم المقدم المختار بغى يعرف واش هادي فعلا انسيه ولا جنيه
المهم تخبى ورا الشجره وتاكد انه انسيه ومني مره مره كانت رابحه كتحيد اللثام على وجه السي المقدم تزعط حتى هوا
وضرباتو فتلت الزين على الشعى
في هاديك الليله سمع ان علال القلده ناوي يتقدم لرابحه هنا سي المقدم ضرباتو الفيقه وقال في نفسو ولله الا كانت ليه ولا خداها
انا غادي نتقد ليها قبل يصبح الفجر وقبل الفروج ياذن........
وهدا ياسيادي دبا ولات القضيه فيها علال القلده والشيخ المختار على رابحه مو فتله الزين وصدق السعد سعدين وهي بغات علال القلده والسي المقدم بغاها الى سلطتو في دوار كل شي كيعرفها ويهبها
آش غادي يدير المقدم ؟ وشكون غادي يسبك للفتله الزين وياخدها؟ واش المقدم ولا علال القلده
وشنو غادي يكون ردت فعل باها؟
هادشي في الجزء التالت :)
سمحو لي الا طولت عليكم انا عارفه : (710):هادشي الى جاني في بالي ههه وانا يالله فقت هههههههههههههههههههههههه
التعديل الأخير تم بواسطة سلاوية الخاطر ; 2012-09-09 الساعة 07:44 PM