عرض مشاركة واحدة
فايزالشمري
مزعوط نشيط
المشاركات: 98
تاريخ التسجيل: Jul 2012
الدولة: الكويت
فايزالشمري غير متواجد حالياً  
قديم 2012-09-12, 08:49 AM
 
رد: باقي 48 ساعه للمغرب

السلام عليكم الاخوان الاعضاء
لم يتبقي علي الرحله وان تبدأ الا 48 ساعه وانا بالمغرب ان شاء الله وبداية احب اشكر جميع من ساعدني سواءا بطرح اسالته بالمنتدي اومن اجاب عن تساؤلاتي
نرجع للموضوع
بما انني كثير السفر واحب اشوف الدنيا سافرت سفرات سياحيه كثيره بعضها صعب ومرير واكثرها رائعه وممتعه طبعا قرار سفرتي للمغرب اخذت قراره بشهر يونيو وكنت بوقتها بتايلند كنت مسافر وحداني
وهناك تعرفت علي شباب وشياب وبعضهم مقيم هناك ومع الايام طاحت الميانه وكل واجد قام يذكرلنا ذكرياته الجميله طبعا السياحيه بصراحه موضوع المغرب وخاصة من اسلوب الشخص اللي ذكرها لي وقعد كم يوم كله يسولفلي عنها دشت في نفوخي وقلت لازم ازورها واضيفها لالبوم السفر وبصراحه اناعشت تجربتي مع بعض الجاليه المغربيه بلندن وقلت خلني اشوف البلد نفسه وكل شي فيه
وبعدها رجعت الكويت وقمت اسال الشباب عندنا والشياب الي يمدح والي يسب طبعا كلن يذكر ماواجه قررت اشارك بالمنتدي للسؤال اول شي بصراحه لكن بعد ماشاركت بصراحه حبيت هالمنتدي
لان كل الي فيه حبيبين واخلاق
المهم شاركت وقمت اسال والشباب مايقصرون علي طول جاهزين بالاجابه عيني عليكم بارده
بصراحه الي يخرعني والي يشجعني ترددت بالسفره اول شي قلت شرطه ودرك وبخشيش ونصب بعدين قلت حالهاحال سوريا والعراق طبعا قبل الغزو ومصر طبعا لانهادوله عربيه ولها عادات وتقاليد
لازم ماراح تكون فري رحت وحجزت تذكره علي الاماراتيه لاني مجربها حلوه قلت علشان اقطع موضوع التردد وصرفت الي يمشيني كم يوم واتصلت بالاخ / محمد عاطي وحجزت عنده بالمارينا بس الله يهديه كل مااراسله واستفسر عن الحجز مايرد مدري شفيه بس مو مشكله الميزانيه معاي حلوه وعلي قولتكم وااااعره بالزاف مدري صح او لاهذا معناها
وبعدهاقمت اقلب بصفحات المنتدي كل يوم واشارك بالردود صارت عندي خبره الظاهر ههههه
لين جاء امس طبعا فيه احداث تعرفت علي ناس من هني وهناك واتصالات عليهم بالمغرب
المهم امس سكرت الشنط وطلعتلي حاله غريبه عجيبه النوم ماني قادرانام بصراحه لكن ماعليه كلها اقل من 48 ساعه وانا بالمغرب
واسمحولي اذا كنت طولت عليكم بالسرد والاطاله لكن انا وعدت اني اكتب تقرير عن السفره من بدايه مطار الكويت الي ان اعود الي الكويت فادم من بلد المزاعييييييط المغرب الشقيقه
لكن قلت ابدا من متي ابتدات فكره السفر للمغرب
وارجو ان وفقت بشرح الفصل الاول من الجزأ الاول لتقرير السفره
محبكم / الشمري
ودمتم
لين وصل اليوم

التعديل الأخير تم بواسطة فايزالشمري ; 2012-09-12 الساعة 08:54 AM
رد مع اقتباس