عدنا لكم من يديد

شحالكم كلن بحاله

اليوم بعطيكم رحلتي لمراكش

المده كانت ١٢ يوم من تاريخ ٥ الى ١٧

الوجهه آبوظبي الدار البيضاء آبوظبي

السكن شقق ميراماس غرفتين وصاله

تم الوصول الى مراكش الساعه ٩ ليلاا تقريبا طلعنا على طول راكش في تاكسي المده كانت تقريبا ساعتين ونص الى ٣

على طول لميراماس طبعا الحجز كان عن طريق اهنجار خليجي وصلنا وكنت على اتصال مع وحده تشتغل في المكتب وماقصرت انتظتني لين وصلت

طلعنا لسكن وعلى طول رقد هههه انا قعدت افكر وافكر واقول في خاطري وين اطلع اخر شي نزلت وقلت بروح اخذ لي جوله في مراكش

نزلت ولقيت تاكسي قدام البنايه طلعت معاه طلع واحد محترم ومؤدب وكان كلامه زين وخلوق المهم قلت له ابي مكان استانس

عقب قالي تبي تسهر ولا مطعم قلت له في كازينو قالي موجود المهم قلت له روح خلنا نغير جو

لعبت شوي ومليت عقب طلعت ومريت ماكدونالز خذت عشاء وطعت الشقه ورقدت

طبعا خذيت رقم التاكسي وقلت بتعامل معه طبعا ارتحت له وكان سعره زين خذ مني ٥٠ بس حاولت اعطيه زياده رفض

ثاني يوم من الصباح قمنا وطلعنا نتريق برى وعقب طلعنا ساحه الفنا وتمشينا وصورت كم صوره

كانت مراكش غير الصباح وصلنا ساحه الفنا وركبنا الحنطور ههههه مادري شسمه ولفينا مراكش كلها

عقب رجعنا وركبنا التاكسي وسرنا حديقه قديمه والله ماعرف اسمها وتغدينا فيها عقب سرنا سوينا حمام مغربي ومساج

يتبع بعد المباراه

__________________


دام نظـراتـك مـدارات وْرجـا قـلبـي فـلك
كم عن برج العرب يبعد مدى برج الجدي

قلـت تـقريباً عـدد ما عـاشـق بحبّـك هـلك
تقصد الاّ اعد نص جروح قلبي يا بْعدي

قـلت لك لا لا تـرد تـقـول لي ما قـلـت لك
المشاعر ما تنام الا انت قلت لها ارقدي