نشربو باش ننساو همنا
السلام عليكم المزاعيط كيدايرات كيدايرين لباس عليكم؟
اليوم بغيت نعاود ليكم واحد القصة ونثمنى تعجبكم
زعما باش نقربكم اكثر للتكلاخ ديال التماسيح وذكاء السحالي ديالنا يالله شدو معايا الطرح
قاليك اسيدي فواحد الدولة الاوروبية وقع واحد الحادث ديال السير يعني كسيدا الله ينجينا وينجيكم
اوى الطونوبيلة الولى كانت كتسوقها واحد البنت والثانية راجل
المهم فديك الكسيدة الطونوبيلات بجوج مشاو فيها تا وحدة ماخرجت على خير لكن ربي لطف على البنت والراجل طلعو فيها بحال الزغبة العجينة
اوى كل واحد خرج من طومبلتو وهناو بعضيياتهم على سلامتهم من ديك الكسيدا
حيت شيء غريب بالصح الي شاف ديك الطنوبيلات غيقول اكيد هادو مشاو فيها
اوى جلسو مع بعضياتهم يتلكمو على جانب الطريق
اوى بدا العاشق ديالنا مسكين بالهضرة بغى يولي فيها رومنسي قال ليها: وليني ما احلاها من صدفة جمعتنا انا وياك كاع مابقى فيا الحال ان طونوبلتي مشات حيت شفت اجمل قرطاسة فالعالم كلو
قالت البنت: تا انا نيت وخا ان طونوبلتي مشات ولكن فرحانة اني شفتك اى بداو يضحكو ويتكلمو ويتقربو من بعضياتهم كثر
شوية قالت لو البنت: واش عارف انو عندنا الزهر بزاف!! حيت معايا فالطونوبيلة واحد الزجاجة اوى راكم عارفين اينا زجاجة بالطبع هههههههههههه
قالت لو: اش بان ليك نشربو شوية فموقع الحادت باش ننساو شوية هاد الحادث ؟
قال ليها روميو ديالنا: فكرة زوينة بزاف خذا مسكين الزجاجة وبدأ تيشرب حتى قرب يكملها وخلى فيها غير شوية قال ليها: هاكي البوقوسة شربي تا نتي باش نتكيفو شوية
قالت لو: الى انا مكلخة بحالك غنشرب ههههههه
دبا تجي الشرطة وتلقاك سكران ويعطيوك مخالفة اوى مافيها شك مية فالمية نتا لي غتصايب لي طونوبلتي غصب عن شنبك ههههههههههههه
الله غالب هذا هو الواقع ديالكم الخوت
المهم الى عجبكم هاد الموضوع ديرو ليه جيم سي نو مرو مرور الكرام ومريضنا ماعندو باس
راه مافيا مايزوق هدشي لي عطى الله: (134):
__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا
ربي اغفر لي ذنبي فانه لا يغفر الذنوب الا انت