رد: للبداياتـ نكهـة خاصـة , لا ينسـاها المزاعيـط ,,
هذة قصة سفر اثنين من الشباب لااول مرة يسافروا الى المغرب الحبيب
حبيت اذكرها لكي تعرفوا اشلون كان انطباعهم عن السفرة الاولى
اول رحله للمغرب وانطباعاتي...
السلام عليكم ورحمة الله وبركاته
لاباس عليكم وكيفكم سافا
هذا انطباعنا عن اول سفرة للمغرب وماهي الاجرأات
ما احب المقدمات وراح ابدا بسرد التقرير
بعد عناء الدوام جلست انا وصاحبي ورفيق دربي نتناقش عن السياحه وكنا متعبين من روتين الدوام ومشاغل الحياه وبالرغم اننا تونا شباب ما شيبنا هههه للحين اقترح علي صاحبي اننا نبحث ونسال عن السفر للمغرب الحبيب سالنا اهل الخبره واعضاء المنتدى ماقصرو الصراحه بتقاريرهم واستفساراتهم اخذنا المعلومات الكامله عن اكادير ومراكش وكازا
وطنجه
جالسين انا وصاحبي قبل رمضان بأسبوع وكنا سهرانين وكان ذاك اليوم ويكند ماعندنا دوام اخذ اللابتوب وفتح مواقع الحجوزات وشوي تبسم و طالع فيني وقال التذكره على خطوط الاتحاد الاماراتيه بـ 190 دينار كويتي مايعادل 2600 ريال سعودي بدون تردد حجزنا وكان موعد الرحله 9-9-2011 وتاريخ العوده 22-9-2011
مسار الرحله ... الكويت >ابوظبي (ترانزيت خمس ساعات) > كازا
والعوده كازا > ابوظبي (انتظار ساعه واحسن شي صار بالعوده الانتظار ساعه) > الكويت
مرت الايام على وقت الرحله وكانها سنوات متحمسين بزااااف هههه
خصوصا انها اول مره نروح للمغرب ومتوقعين تجربه من نوع اخر يعني بتكون وناسه
قرب وقت الرحله وكان الساعه 5 مساء من مطار الكويت 9-9-2011
صحيت من النوم الا صاحبي نايم جنبي << عزوبيه هع
ومو هامه اننا متأخرين على موعد الرحله الساعه 3 ونص بعد الظهر على السريع اخذنا اغراضنا اللي لهم 40 يوم ينتضرون من ياخذهم على المطار احس شنطتي لسان حالها يقول مشتاقه للسفر من زمان ما سافرت هههههههه
المهم طلعنا مستعجلين للمطار وكان يبيلنا عبال ما نوصل المطار ساعه ونصف وصلنا وبعد المشقه وحب الخشوم اخذنا البوردينق طلعنا الطياره وكانو الناس يطالعون لنا بنظرات عجيبه احنا سبب تاخير الرحله على ابوظبي<< نظرات حقد
علينا هع
وصلنا ابو ظبي وكان عندنا ترانزيت 5 ساعات نفس ما نوهت بمسار الرحله, مرت علينا وكان عقارب الساعه تعاند وتوقف وشوي تمشي,,, تم الاعلان عن الرحله المتوجهه لكازا بلانكا واول ناس ركبو الطياره انا وصاحبي<< الحين صارت مواعيدنا على التايم صرنا اجانب هع خايفين يصير نفس اللي صار بمطار الكويت
وقت ركوب الطائره وهي متوجهه للمغريب الحبيب له رونق وشعور اخر مدري شلون اوصفه لكم مع العلم انها اول مره نزور المغرب << من بدايتها صرنا مزاعيط هع هع
كانت مدة الرحله 7 ساعات ونصف يعني راح نوصل كازا الساعه 7 صباحا ومايحتاج اتكلم عن طياران الاتحاد وخدمتهم
اظن الكل عارف مستوى الخدمه ديالهم خدمه ولا اروع.
وصلنا وبحمد الله كازا وكان الجو ضباب وعجيب يشرح الصدر عدينا الجوازات بدون اي تعقيد ولا فيه احد طلب اكراميه الا تدقيق الجوازات شايب كبير بالسن قال لي مافي كراميه قلت شنو يعني مو فاهم كلامك طالع فيني وقال سير هههههههههههه << مسوي ما افهم كلامهم هههههههههه
والجمارك محد كلمنا وقال لنا شي لانهم كانو يتكلمون مع شباب خليجيين عن بعض محتويات الشنط احم
اي وين وصلت نسيت رجعتني الذاكره ودقيتها فهاوه ونسيت اكمل كتابتي هع هع
اي تذكرت
طلعنا من الجمارك واخذنا سيم كارد للتليفون واخذنا تعبئه من كشك جنب محلات الصرافه بـ 250 درهم
كان مخطط الرحله مراكش خمس ايام واكادير خمس ايام بس صاحبي كان يبغى يروح اكادير وكان مصر انه يطلع اكادير طالعت فيه وقلت له وين راح المخطط ديال الرحله قال بس بشوف اسعار التذاكر بكم
استفسرنا عن اسعار التذاكر الداخليه المتوجهه لأكادير وطلع 1200 درهم للشخصين وبدون تردد حجزنا على اكادير لان قبل على مواقع الحجوزات على الطياران المغربي الشخص بـ 50 دينار مايعادل بالريال 750 يعني شخصين 1500 ريال
كانت الرحله 9 صباحا يعني بعد وقت وصولنا لكازا بساعتين ونص دخلنا صالة الانتضار وكان فيه كوفي شوب جلسنا فيه اخذت سبريسو دبل عشان اصحصح لأكادير << راعي مزاج هههههههه
فتحو البوابه وركبنا واطالع الطياره الا احس راكب ددسن من بعد ان الاتحاد ههههههههههههههههههه<< دعابه دعابه
وصلنا مطار المسيره تقريبا الساعه 11 وهاتك يالجو اللي يشرح الصدر والحمدلله استلمنا الشناط ولا فيه اي مفقودات وكان انطباعي حلو بعد موقف صار لي عند سير الشنط
كان جنبي حرمه من ذوي الاحتياجات الخاصه مقعده على كرسي وكان معها بناتها صغار توأم شكلهم مشالله عليهم مؤدبات مو مثل عيالنا بالمطارات يزعجون الرايح والجاي الكل يعرف وين مسافر والسبه عيالنا ههههههههههههههه
المهم طلبت مني اساعدها على شناطها وساعدتها وكانت تتكلم بس ماكنت اعرف شنو تقول لاني اول مره ازور المغرب ولا اعرف الهدره ديالهم بس اللي فهمته انها تشكرني وتدعي لي
بعد هالموقف جاتني الصدمه من التاكسي والدرك
فيجب هذة النوعية من البشر الذي لاتمثل المغرب ككل يجب عليهم تعلم ثقافة حسن التعامل مع السائح الخليجي
وسلامتكم
التعديل الأخير تم بواسطة الـدوكالي ; 2012-10-20 الساعة 08:34 PM