رد: طريقتي مع الشحاتين للافتكاك منهم 000
والله مشاكل الشحاتين ما تخلص ولي مواقف كثيره معاهم
باول سفريه شحاته طاردتني من فندق حياه رجنسي الى باب فندق فرح هههههه وانا اجري وهي تجري المشكله دبه بس عليها ركض افحتمني هههههه
اول ما دخلت الفندق وسلمت على الحارس الا الفت وراي وهي واقفه ومقهورة قالت الله ينعلك يا هربان يا هربان وكان كلمه هربان تحس انها صدى بالشوارع هههههه
بعدها صرت امشي وما الفت لاحد وطريدي وراي وانا هادي كاني ما اسمع بس بالاخير الاقيلي سبه على الطاير وابتسم واقول وسع صدرك
باخر سفريه كنت مع صاحبي خبره طويله بالمغرب وماشين بسوق بوسط المدينه الا لقينا طفل قزم يشحت بلكاعه تحس انها رئيس عصابه الاطفال للشحاتين مع انه صغير بس صوته غليظ
اول ما شافه خوي وجاء يشحت لمنا الا خوي قاله امس اعطيتك بعين دياب انت تشحت بالمكان الى جنب المقهى صح ولا انا غلطان
الا ما نشوف الطفل عصب وعلى طول قال الله ..... كلام محجوب المهم سبه قويه وحط رجله هههههههههههه انا جلست اضحك قلت لخوي شكلك حفظت اشكالهم قال افا عليك يوميا
اتبعت طريقه اشتريتلي سماعه بلوتوث كبيره حقت الشباب والبس كاب نازل على وجهي اول ما يجي الشحات اسوي نفسي اسمع بالسماعه واعطيها رقص وحركات تسحيب بالرجل
يطالع الشحات يقول وش فيه ذا مندمج مع الاغنيه ويفقع ولو كسر بخاطري مرة ولقيت بوجهه برائه اعطيه درهمين لخمسه دفعه بلاء
بس طريقه اخونا Tourist مجربه مع احد من خوياني يتكلم انجليزي طلقه الشحات ينفجع كل ما يبي يتكلم مغربي يلاقي رد انجليزي ويجيه احباط ويروح
وسلامتكم
__________________
ما ينلام الشاعر اللي مدري وش اسمه يوم قال:
نسيت دائي حين جاء دوائي..........من ذا يقاوم نظرة السمراء!!!!
غسل المحيط جبينها وعيونها.........بسلاسل من فضة بيضاء
الشمس تشرق كي تقبل ثغرها.....وتذوب بالكفين كالحناء
هي مغرب الاحباب او فردوسهم.....جبل على بحر على صحراء