رد: هل هو حب او جنون (لنقاش) ؟؟؟
موضوع جميل اخوي النادر
أظن صعب الإجابة على السؤال بدقة , قبل ما اروح للمغرب كنت اقول خرابيط ومبالغات , وأحد الزملاء راح بشهر واحد مرتين , قلت بس مسحور هههه . وفيه شخص اكبر مني واكثر مني تجربة حذرني كثير وقال لا تروح , تراك بتنسى لندن حقتك , قلت ماعندك سالفة وانت شكلك مسحور بعد ههههه قال قابلني اذا رجعت .
وكنت استهجن كلام عبدالله الفيصل يوم قال (اشتقت للمغرب وانا توني جاي..) والحلقة الأخيرة صرت ارددها بحرقة وانا بالطيارة للرياض واتحلطم. اعرف اني حاولت اكتب تقرير بالمنتدى و عجزت
بعد ما سافرت اقدر اقول ان البلد فيه كل ما يرغبه السائح تقريباً وبسعر قليل نسبياً , البلد مب بذاك الرخص لكنها تستاهل كل درهم تدفعه فيها ولا تندم ابدا على شي دفعته , المغاربة رهيبين راعين كيــف كل شي عندهم مضبوط وبالراس الاكل والشرب والشيشة . وهذا اللي تبيه انت .
والبلد جميل بالجو وبالناس , رائعين وحلوين , في الأماكن السياحية ممتازين وتعاملهم جيد مع السائح , اما رجل الشارع فلا , يبدي لك الإمتعاض إن ما سلمت من بعض التعليقات . هذي بعض الجوانب القابلة للكتابة .
وباختصار اقول ان البلد فيه كل شي تتمناه بأفضل صورة وبسعر معقول .
اتمنى اني افدت بشي , ولك الشكر النادر