هلا اخوي وهلا بالاخوان جميعآ وبصراحه تعودنا ولا هو شي مستغرب على منتدانا والطرح الجيد مطلوب انا دخلت قيل يومين وشفت الموضوع مغلق

وقلت صلى الله وبارك..واليوم انفتح الموضوع من قبل اخونا الغالي ابوعبدالله ولا يهون اخونا الحبيب علوش واسعدني جدآ ان الموضوع انفتح مره اخرى

شف اخوي موضوعك يرمي لشيئين الاول انه هناك اعضاء يقومون بالسمسره عل اعضاء آخرون ياخي خل يجيني عضو وصادق وأمين ويجيب لي سعر

ممتاز في السكن او المواصلات واروح والقى كل شي تمام وانا مقتنع واحس انه صادق معاي في كل شي واعتقد مافيها شي وانا كعضو يهمني شيئين

السعر والمصداقيه وانت قيسها على نفسك وعلى قولتك انت تجي من ال99م كيف كان وضعك لمن كنت تسافر وانت تحب تسكن في شقه او فيلا

لاتقول انا ادور واروح واشوف ااكيد انك تسوي اتصالاتك ومعارفك من مغاربه او خليجيين وهاذا شي طبيعي جدآ جدآ..

الشي الثاني اللي ترمي له هو انه عضو من المغرب او من الخليج من لديه مكتب يقوم بحجز سكن او مواصلات ويقوم بخدمة الاعضاء

وعمل الحجز لهم من شقه او فيلا او مواصلات سياره بسائق او بدون...الخ ياخي انظر للفائده اللتي يقدمها هذا العضو اللذي يملك مكتب هناك

وانت اكثر العارفين مدامك تقول انك تجي للمغرب من 99م مدى المشاكل والمتاعب اللتي يتعرض لها هذا الشخص وبالاخص اذا كان خليجي

وبدون ما اذكر انت عارف هالشي من اكراميات وخسائر مالها اول ولا اخر مع المختصين هناك في الطالعه والنازله وعلى كل كبيره وصغيره

وفوق هذا كله يجيب اقل الاسعار وافظل من المكاتب وبعض مواقه الانترنت..........الخ وفوق هذا كله يخسر من تلفونات واحراجات من الجميع هناك

ومن ناحيه اخرى الجميع هنا متكاتف لفضح ونشر اسماء سماسره يقومون بالغش والكذب واستغلال السائح الخليجي ولاداره حريصه جدآ على مثل هذه

الامور ولو انت من المتابعين بشكل صحيح كان تشوف بنفسك هنا وعندك مثال بسيط وهوا مثال نعتز ونتشرف فيه وهوا الاخو اهنجار خليجي ونشاطه

في مراكش وسبق ان انهى خدمات موظفين لديه هناك بسبب سوء تعاملهم مع السياح الخليجيين ويقوم بالتنويه عنهم هنا وللجميع

والامثله كثيره وعلى فكره فيه اعضاء لايستفيدون ولا درهم ولا مليم ولا قرش مقابل خدمة الاعضاء والكثير يعرف هذا الشي وهو ههههههههههه

انا اخوك في الله ههههههههههههههه وتراني اجي للمغرب من ال94م علشان تكون في الصوره ومع هذا افكر اني اقوم بفتح مكتب هناك في كازا

تحديدآ ولاتزعل بعد خلني انا من الخليج واكون اقرب من غيري لاخواني وربعي الخليجيين ولا تجي بعد كم شهر وتكتب موضوع مكاتب الخليجيين في المغرب

ههههههههههههه...انا اتفهم طرح موضوعك بنيه حسنه وخوف على اخوانك السياح الخليجيين ولا هو شي مستغرب منك ومن الجميع ولاكن نتمنى مشاركتك

والرد على جميع الاستفسارات والاطروحات اللتي قام الاعضاء بطرحها لكي نعرف مايدور في عقلك ونستفيد تقبل مروري بصدر رحب وتحيااتي