الله لا يمسيكم
الا بالخير


بسم الله الرحمن الرحيم




هذا موضوع أرى أنه ذو أهمية كبيرة , نضرا لما تحضى به السياحة الى
أغادير من اقبال وكثرة الا ستفسار عنها داخل هذا القسم بالتحديد ؛

فأنا أتمنى اني افيد الأخوة الي ينون الذهاب الى أغادير و أفيدهم قدر الامكان بهذا الموضوع .






أحس اني طولتها ..............................................


صلب الموضوع : أخواني أغادير ما هي حقت فلل ,,,,,,,,,,, من الأخر حقت اسكن في فندقك اسهر و تمشى برا الفندق و ارجع له ثاني
,,,,,, طبعا أكثر ما يميز أغادير عن غيرها كثرة الأجانب الي تخلي فيه شوية اريحيه عن غيرها ,,,,,,,,,











أولا راح أذكر لكم الفنادق و هي الأفضل بحكم تجربتي و راح أذكر لكم مزايا و عيوب كل فندق فيهم







صحارى


و هو من أكثر الفنادق شعبيه ,

ميزته يمكن ما تحصل فندق في المغرب مثله في هالمزايا ؛


1- داخل الفندق كل شيء متوفر أماكن السهر , كافيه , مطاعم , بقاله , قربه من المناطق الحيويه ,,,,,, ( لدرجة ان فيه ناس أعرفهم من أول يوم الى آخر يوم له أغادير ما طلع برا هالفندق , يعني من المطار ع الفندق من الفندق عالمطار هذي مشاويره , حتى حتى المقناص يا شيخ تقنص في اللوبي .


2- الأريحيه من ناحية التطويل على المسجل محد يقولك (أأ) .

3- ترقي أخوياك و ضيوفهم معك للغرفة حتى اذا ما كانوا من سكان الفندق بس اعرف كيف ( بدون محد ينتبه ) .




ههههههههههههههههههههاي و الأن حان وقت العيوب يا ويلكم :

1- الغرف صغيرة و سعرها غالي , 1400 درهم يعادل سعر سويت في الفنادق الثانيه .


2- التعامل (سيء ) للغاية من قبل المشرفين و بقية الموظفين من العساسين الي عند الباب الى ما لا نهايه و يحاولون قدر الامكان يشفطون من جيوبك .


3- اذا بغيت تدخل معك مشروبات الطاقة راح يقولك ممنوع ( كأنهم ما يجبونه الفندق ) فالطريقه الوحيدة عشان تدخلها من أول دخول لك بالفندق تحطها بالشنطة محد يقولك شي .


4 ازعاج ..... بشكل ما تتصوره ,,,, مو قلت مسموح تطول المسجل الحين ادفع ثمنها في النوم ,,,هذا ان نمت من الازعاج .


5- الجمهره الي عند الباب الي ما ادري وش تبي ,,,,,, الأمن تلقى مليون واحد منهم عند الباب الي انا اقصد فيهم العساسين ,, التكاسي الي عشره ينطون في وجهك ,,,
و المساكين الي الله يعينا و اياهم





أماديل
ميزته :

غرفه نظيفه ,خدمته ممتازه , تعامل راقي , هادي , شاطيء خاص , فيه نادي صحي و محلات ومطعم , متوفر فيه أماكن السهر , يسمح لك تدخل أخوياك من برا الفندق و ضيوفهم تحاول انه تكون بطريقة تسلل أو ب $ ............... قروشك , و موقعه مناسب ,,,

العيوب : اذا بغيت تتمشى لازم سيارة,



المارينا



المفضل لدي .......... و أنصح فيه


المزايا :
المارينا افضل مكان باعتقادي الشخصي للتمشيه و النقاهه بعيد عن الازعاج حيث الهدوء و السكينه و الاستجمام ,,, بحكم انه على المرسى يعطيك أشياء كثير من ظمنها :

المطل من الغرف الرائع على المرسى , الكافيهات الي على المرسى كثيرة ما أذكرها , و المطاعم نفس الكلام , وفيه محلات الملابس من ظمنها zara و لاكوست و محالات عطورات
روتانا كافيه و سكاي و ........ والي أكثر شي عاجبني قرب الكورنيش له مسافة مشي دقيقتين , و الكورنيش كله مطاعم و محلات و كافيهات .........
و أكثر مطعم عجبني على الكورنيش المطعم الهندي اسأل عنه على طول يدلونك عليه معروف ......... بس عيبه انه في اخر الكورنيش .....


وان بغيت تستأجر قوارب و الا جيت سكي انزل للريسبشن ( الاستقبال يظبطونك .... و جنب الا ستقبال النادي الصحي ... انا أقول لا يفوتك .


ترا كل الي راح ما تكلمنا الا بالموقع بس ..... لسا ما جينا الغرف ..............

طيب الفندق عبارة عن عماير جنب بعضها تطل على المرسى , تحتها مباشرة المطاعم و الكافيهات..


الغرف الستاندرد 1130 درهم فيها غرفه و مطبخ بار بلكونه (بعضها ما فيه بلكونه) مسجل , بار ,حمام, طاوتها للجلسه صغيرة و ما فيه الا كرسيين .

الغرف الديلوكس 1160 درهم غرفه ,مطبخ ,بار ,بلكونه, مسجل ,حمام , جلسة كبيرة وسط الغرفة , كنب + طاوله كبيرة , الغرفة أكبر .


السويت 1470 درهم غرفه , حمامين, مجلس منفصل كبير , مطبخ , بار , بلكونه , مسجل , كنب كبير + طاولة كبيرة + طاولة طعام .

سويت غرفتين 2400 درهم غرفتين , مطبخ , بار , مجلس كبير + كنب + طاولة طعام , حمامين, بلكونه .

* ملاحظة الأسعار الي ذكرتها أسعار المؤيد و الماتب الثانيه اذا جيت بتحجز من نفس الفندق يحسب عليك الدبل .

التعامل و الخدمة ممتازة , أجواء الفندق هاديه و حلوة ,,,,
أجمل ما فيه تمل تنزل تحت تتمشى على المرسى و الا الكورنيش بدون أي حاجة للسيارة ,,,,
عمال الفندق خدومين للغايه تأخذ أرقامهم و ترسلهم يجبون لك أي غرض في رأسك ........


العيوب :

1- البعد عن أماكن السهر بيحتاج لك سيارة .

2- ما يسمح بدخول أصحابك من خارج الفندق ولا ضيوفهم , فلازم اذا رحتوا قروب تسكنون كلكم في نفس الفندق و نفس العماره .

3- متشددين في سالفة الضيف ما تدخله بعد الساعه 8 ص .









أماكن لازم تروح لها









المرجان

سوق و سوبر ماركت ,,,, تحصل في أجهزة الكترونيه ,,,, مأكولات ,,,,,,,, المشروبات ....... عصيرات .... مكسرات ....الخ



المطاعم
الاسماعيلي و مجمعه ؛ الاسماعيلي لأكلات خليجية و عنده مغربيه , بس المجمع بتحصل فيه بقالات , و الصيدليه و مغسله انصحك فيها و حلاق محترم .


النهضة : اذا في راسك أكل مغربي لا يفوتك , و عليك بالطاجن .

المطعم الهندي : في آخر الكورنيش ......






سكاي كافيه

يفتح من 8 ص - 2ص هذا كافيه روعه له جوه الخاص و خصوصا ان جلست في الجلسة الخارجية المطلة على البحر , تبغى تفطر فيه , تتغدى , تتعشى , تتقهوى , و عنده أحلى شيشة
,,,, السهر فيه من 9م الى 2ص يجي المطرب .. و تبدأ السهره. وموقعه جنب فندق المارينا .


روتانا كافيه
من 9ص - 12 الليل , تتقهوى فيه تفطر , تتغدى , موقعه على المارينا , احسن وقت له من 5 م - 7م.



الخيمة

بفندق صحارى , نظامها طلبات في ثلاث مطربين واحد منهم يطربك بالعود , من 7 م - 11,30 م

موخيتو
بجوار فندق أماديل , الي يدير الحجوزات فيه اسمه (سيمو ), نظامه مطرب + دي جي منوع ( عربي - خليجي - غربي ) , الطاولات الصف الأول و الثاني لازم تفتح طاوله ,
الصف الأول 1600 درهم الصف الثاني 1200 درهم , يفتح من الساعه 11,30 م - 3 ص .

* تحذير بالنسبة للي شغال اسمه (سيمو) , خل التعامل معه رسمي و لا تأخذ و تعطي معه , ما أعرف واحد راح لأغادير الا اشتكى منه , و أنا عن نفسي تأذيت منه و عانيت معه
بس المكان حلو حرام تتجنب المكان علشان واحد مثله .


العنبرة

موقعه في فندق صحارى , من الساعه 12,30 الليل - 3 ص , نظامه فرقه موسيقيه و ثلاث مطربين و رقاصه , بامكانك اما تفتح طاولة ب 1500 درهم أو طلبات بس ما تكون في الصفوف الأولى .



ديسكو شهرازاد
موقعه بفندق صحارى , من الساعه 3ص- 7ص , الدخول اما بفتح طاولة تبدأ أسعارها من 1500 - 5000 , أو بتذكرة ب 100 درهم للشخص نظامه ديجي منوع .

* تحذير الي شغالين في هذا الديسكو يحاولون يدفعونك قدر الامكان , فاحذر منهم و لا تأخذ وتعطي معهم , و خاصة في و احد منهم سمين يلبس نظارات طويل يدخل في حنجرتك
ما عليه من احد و بكل بساطه يقول لك وين الزرقاء !!!!!!! يقصد ورقة ال 200 درهم , هذا اسوأ واحد فيهم , و اذا جاء احد فيهم يطلب منك لا تعطيه ما كأنك تسمع شيء
و خصوصا السمين الي قلت عمه ,,, هذا اعتبر ان ما فيه احد يتكلم امش و طنشه و لا تناظر فيه .



ديسكو اتلانتيك
موقعه بفدق اتلانتيك ؛ من الساعه 3 ص - 7ص , الدخول طاولات او بتذاكر , بست واسع , ديجي منوع , الي شغالين فيه محترمين .




ديسكو السوفيتيل

موقعه فندق السوفيتيل , من الساعه 12 الليل - 5 ص , نظام خواجات بحت , ديجي غربي بس , الدخول أما طاوله أو بتذكرة ب 300 في الويك اند و 150 في الأيام العاديه , التعامل فيه راقي و روعه .
*ملاحظة : ترا ما يدخلونك بأي لبس , لازم تجنتل و تلبس صح علشان تدخل , يعني مو تلبس مانيب قايل وتجي تبي تدخل .


أكتورز
موقعه في فندق أكتورز , نظام خواجات زي السوفيتيل , بس الفرق ان هذا حق شباب أكثر الي فيه صغار سن اكثر يعني تمقل .




التكاسي


بحكم انك خليجي راح يغلون عليك الأسعار هذا شيء أكيد بيقولك المشوار ب 50 درهم , فعلشان تتجنب هالشي ابعد عن التكاسي الي عند الفندق على طول امش شوي و وقف لك تكسي بعيد عن تجمعات التكاسي و قل له يشغل العداد , بيحسب عليك المشوار 7 دراهم الى 10 بدل 50 درهم .













و اعذروني على ما بدر مني من قصور