المشاركة الأصلية كتبت بواسطة خالد الرياض

السلااااااام

ياجماعة مش معقول ... الله يسامح من غرر بي وخلى المغرب جنة الله : (134):

خط السير كان من الرياض ل دبي الى كازا. والعودة نفس الشي على الاماراتية


رحنا واحنا متشققين من الوناسة على كثر ماسمعنا عن المغرب لكن انصدمنا في الواقع

اول مانزلنا المطار هاجمونا البلطجية حقين التكاسي واكتشفنا من قو الصدمة ان كل واحد على تاكسي ( اقصد اخوياي ) وحنا ماندري وش السالفة ... هذا غير قرف الجوازات والجمارك وحمالين الشنط وصراخهم كانك ماكل لهم شي ياساتر

الموووهم ... قلت الله يستر اذا هذا اوووولها : (134):


اتجهنا الى مراكش ع طووووووول ودخلنا في دوامة السماسرة وللاسف كان الوسيط واحد من الشباب متصل من هناك يقاله يضبط الوضع .وطلع الضعيف متخوبر زينا وشكله ملعوب عليه طول السنين الي راحت... المهم... واخيرا لقينا شي نريح فيه فيلا اااااا وطلع ملعووووب علينا ... حنا درينا اننا اكلناها .. لكن تووووبة الدول العربية


عموما مالكم بالطويلة ... جلسنا تقريبا 6 ايام ورجعنا لكازا ... قسسسسسم بالله شي ولا ف الخيال الكل يبي يلعب عليك وكانك حمار اعزكم الله الكل يبي يستغلك ... والقهر الاوروبي والامريكي الكل يضرب له تحيه .... والله ياجماعه انا ما ادري احد مسلطهم علينا والا وش السالفه ... تهاوشت مع واحد بالاخير يوم قفللللت وطفح الكيل يقول اني معبي لك الكارد حق الامن وانت خارج من كازا وتخيلوا كم يبي 140 درهم من زود الذمة الاربعين درهم ركززززززو عليها

المهم تدخلوا الشباب وحلو الموضوع وكنت سهران وقرفان والحمد لله على سلامتي


والله ماخذ الكام معي لكن نسدت نفسي ولاعاد صورت


بس الاجمل اننا رجعنا لدبي وشفنا كيييف احترام الضيف والتعامل الراقي

راح انزل تقرير مصور باذن الله بس لمن ادخل من اللاب توب لان الايباد غثيث نوعا ما


سلام وسامحونا عالصراحة