تحملنا بما فيه الكفاية وانتهى المشوار
ولا ادري وش أسباب الألم والصد والقسوة
تجافتني وأنا عاشق أهيم بحبها واحتار
أغازل كل نظره شوق من رمشه كما الغفوة
تجافتني وأنا كلي رسمت لكلها أزهار
حسبت إن الزهر كفٍ ويعكس للبشر ضوة
تجافتني وأنا أول قتيل واشتعل بالنار
اردد للحطب خلي صغير يا حطب توة
تجافتني وأنا ساهر أدون برضها أشعار
أغازل قدها الميال في لحظه عشق قوة
تجافتني وأنا راحل غصب عن حبها وانهار
أحس أني فقدت الكون من بعده ولا خوة
صحيح انه طعن بالقلب اسمه وانتهى بأعذار
ولكن وش يفيد العذر مادام الغلا شوة
صحيح اللي يقول الذيب لو يرضخ ترى غدار
حسبت إن الثنايا البيض من ثغره ثمر نوة
حسا فه كيف درب الصد والقسوة لها أسرار
تعانق طيفه المرسوم في أروع عزف غنوة
ولكن بجبر المكسور وأتنازل عن الأدوار
وأمثل طيره المجروح في أرضٍ بها رغوة
ومادامي عطيت الحب كله بأول المشوار
أبرحل واتركه وأنساه وأتبادل معه القسوة