الموضوع
:
اجرحيني . . ادري انك : اسفـه !
عرض مشاركة واحدة
اعتبرني صدقتك
مزعوط مبتدء
المشاركات: 39
تاريخ التسجيل: Apr 2013
2013-05-24, 05:01 PM
رد: اجرحيني . . ادري انك : اسفـه !
.
اليوم التالي ، سفرنا الى اغادير
حجز الطيران من كازا الى اغادير كان على الساعة السابعة مساءا ً ، عن طريق مكتب المؤيد
بقيمة 545 ريال تقريبا ً للشخص ، او مايعادل 1300 درهم تقريبا ً ..
ايضا ً حجز السكن في اغادير في فندق اطلس مارينا كان بقيمة 1260 ريال غرفتين وصالة
شيء مابداخلي حذرني من حجز كامل المدة ، طلبت من موظف المكتب ان يكتفي بيومين فقط
واخذت رقمه للاتصال به في حال رغبتنا التمديد ، وافق واعطاني فاوتشر لمدة يومين فقط ..
الساعة 2 ظهرا ً كان الاستعداد للذهاب الى المطار ، طلبنا من الفندق ايصالنا ولكن لم تكن سيارة
التوصيل موجودة وطلبوا منا الانتظار ، خرجت الى الشارع واوقفت تاكسي واخبرته برغبتنا فقال ان
لديه سيارته الخاصة سوف يحضرها ويأتي ، طلب منا مبلغ 250 درهم لايصالنا وكان السعر معقول ..
ذهبنا معه والحمد لله مرت الامور بخير ..
هذه الصور في الطريق الى المطار :
هذه الصور من المطار الداخلي ، صالة الرحلات الداخلية :
ومن داخل الطائرة :
بعد الوصول الى مطار المسيرة / اغادير :
مطار اغادير صغير جداً ، يعتبر مطار اقليمي لمدينة فرعية ..
يشابه في طريقته بعض المطارات لدينا مثل مطار ابها او الباحة ، نقدر نسميه مطار بس بسبب
ان الطيارات تحط فيه وفيه مدرج ، اما الباقي جدا بدائي ...
هو عبارة عن صالتين متجاورتين ، احدها للقدوم والاخر للمغادرة ، وباب للداخلين من الجهتين ، فقط !
ااخر رحلة يستقبلها المطار الساعة 10 مساءا ، بعدها اعتقد اخر وحد يبقى يحط المفتاح تحت الفرشة
عشان الشباب اللي يجون الصباح ..
نزلنا من الطيارة ، تقدر تاخذ عفشك من العفش تحت الطيارة قبل لاتروح للسير ، وهذا حقيقي والله
خذينا عفشنا وتوجهنا الى منطقة التاكسيات بالخروج ، بالسرا ركبنا مع تاكسي ..
سائق التاكسي عمره تقريبا ً 15 برا ، باقي له 5 سنوات ويشتغل جرس السرعة بالعمر
متهور جدا في السياقة ، اوصلنا الى الفندق في خلال 20 دقيقة !!
كنت احاول فيه يهدئ السرعة ولم يكن يلتفت لي ، كنت اسأله عن اسماء المناطق لاشغله عن
السرعة وكان يجيب في منتهى السرعة ، مستعجل جداً ومتهور وخضخض بطوننا وماصدقنا وصلنا ...
كنت امزح معاه في الطريق ، قلت له ودينا المرجان قبل تودينا الفندق ،
قال :داك الشي لي بغيت ماكاينش دابا !! ، بضحكة قلت له : نبغى اغراض اكل وكولا وسفن اب
قال لي بضحكة اخبث من ضحكتي : بكره روح له قبل الساعة 8 ، عشان تاخذ الببسي والكولا
وصلنا الى الفندق تقريبا الساعة 9 ، توجهنا للريسبشن ، اريناهم حجزنا وطلبنا نشوف الغرفه ،
اطلس مارينا اسوأ فندق في اغادير ، الغرف جدا سيئة وغير نظيفة ، استقبلنا في الغرفة صرصور
طلبت تغيير الغرفة مباشرة ، لأجد في الغرفة الثانية ايضا ً صرصور اخر ..
شاهدنا مايقارب 4 غرف ، الاخيرة تقريبا كانت خالية من الحشرات ولكنها دهاليز ، نحتاج فيها مثل
اجهزة الشرطة اللاسلكي عشان نتكلم مع بعض داخل الغرفة !!
رجعت للريسبشن ووافقتهم على الغرفة الى ان نشوف حل ، وجدت امامي مجموعة شباب خليجيين
احدهم سمعته يحدث موظف الريسبشن : خذ اللي تبي من البطاقة ، لو تبي 10 الاف !!
قلت لاصدقائي لاتستغربون اذا صار فيه غلا في الاسعار ، او اذا بدأ الاستخفاف بنا ، مثل هذي النوعية كثير
توجهنا الى الغرفة ، اخذنا الشاور وطلبنا عشاء ، غالي نوعا ما بالنسبة الى طاجين بـ 250 درهم للواحد
بعد العشاء استعدينا للخروج ...
اهم الملاحظات :
- الفندق مليء بالتكاسي بالخارج ، اضافة الى زحام السيارات والمارة
- لاتتحدث مع غير العاملين بالفندق ابدا ً ، ستواجه اكثر من مشكلة
- حاملي الامتعة الى الغرف لاتبين اي شي امامه ، والا سيطلب ثمن السكوت
- لاتعط رقمك الشخصي ( السعودي ) الى سائق تاكسي مهما كانت الاسباب
والا ستجد جوالك عبارة عن سنترال طوال اليوم من ارقام غريبة
- لاتحاول اقامة صداقة مع موظف الريسبشن ، والا سيعطيك اسوأ الموجود
- احذر ممن يعرض خدماته
اكمل ان شاء الله في ردي القادم ...
التعديل الأخير تم بواسطة اعتبرني صدقتك ; 2013-05-24 الساعة
05:03 PM
اعتبرني صدقتك
مشاهدة ملفه الشخصي
إرسال رسالة خاصة إلى اعتبرني صدقتك
البحث عن كل مشاركات اعتبرني صدقتك