اقتباس:
المشاركة الأصلية كتبت بواسطة العازف
كازا
الله يعينك رح مراكش احسلك بكثير خذها نصيحه
هلا اخوي العضو العازف...
ياخي كذا مشاركه لك وتعيب كازا فيه مشاركه لك تقول من بعد الساعه 8مساء شفارين وشحاذين بالله عليك هاذي نصيحه او تخويف
بقولك شي لو ترفع جوالك وتكلم معاد تدري وينه ونت في جامع الفنا مافيه شفاره وشحاذين بس هالشي مايعيب مراكش ولازم تفرق بين التنبيه والتخويف
ياخي انا ما احب اغادير لاسباب انا اعرفها ولاكن لايمكن اني اخوف اي عضو منها ولاعمرنا قلنا لاي عضو بيروح اغادير لاتروح وكذا وكذا....الخ
واقولك شي فيه ناس من رواد مراكش يقولون معاد تنبغا وبدون ذكر الاسباب بس لانه راعي ديره وشاف كذا شي معجبه وغير المدينه وبس
وفيه اعضاء كثير كانوا يروحون مراكش وبعد الضغط عليها والطمع اللي صاير....الخ حولوا الى كازا وانبسطوا ويمكن لانها مدينه جديده عليهم بس عرفوا وين يسكنون
ووين يتمشون ولو تصارح نفسك تلقاك رحت يوم او ليله وانعفست وصار ردة فعل عندك وللاسف فيه ناس بعد يردون وهما زملاء لنا ويقولن صح كلامك وين الصحه
في كلامك..ياخي نعرف المغرب وكل مدينه فيها عيوب وفيها مميزات ولاكن تبقى المغرب لها رونقها وجمالها وناسها الطيبه وكلن عارف وضعه وجوه ومدينته اللي يحبها
نروح ونتمشى في كل المغرب ونظرب شماله وجنوبه وشرقه وغربه مانلاقي بعض الحكي اللي نسمعه هنا وهناك...
اخوي الحذر واجب ومع من تتعامل وخصوصا في السكن الخاص وكذلك الفنادق ومكاتب ايجار السيارات وكل شي...ارجوا انك تتقبل ردي بصدر رحب ولك الحق في ابداء
رايك ولا نلجم لسانك عن اي شي ولاكن التخويف شي والتحذير شي اخر..تقبل تحياتي