ذكـريات اجمـل رحـلة للـمغـرب ( part 6 )
الذكريات الجميلة كـ سرب من الطيور
لا يمكن القبض عليها
ولكن يمكنك
الاستمتاع بمرورها أمامك!!
ومن اجمل ذكرياتي هي هذي الرحله
اللي كانت اجمل رحلة للمغرب
ولعدة اسباب راح اذكرها لكم بعفوية وبدون
تعديل 
بداية التخطيط للرحله اتفقنا 3 اشخاص للسفر للمغرب
واستكشاف عدت مدن علما بأني سافرت مرتين للمغرب قبل هذي الرحله
والمرتين كلهم كانوا في اكادير .. وبدون سهر وفله و وناسه
الرحله كانت بتاريخ 16/2/2011 ولمدة 16 يـوم.. في عز ازمة الربيع العربي
وقبل سقوط نظام حسني مبارك في مصر
ومع بداية الاحتجاجات اللي كانت سلميه في سوريا
والمدن اللي قررنا نزورها هي = المحمديه + مراكش + اغادير+ الجديده + كازا
وتم زيارة كل هذي المدن ولله الحمد
تفاصيل الرحله :
طبعا الحجز كان على طيران الامارات وموعد الاقلاع الساعه
7 ونصف صباحـا .. وبعد رحله شاقه 8 ساعات في الجو وصلنا
مطار محمد الخامس في كازا على الساعه 12 ونص الظهر تقريبا
وبعد ما خلصنا الاجراءات الروتينيه في المطار توجهنا للبوابه
الخروج وكان في انتظارنا بنتين .!! : (144):
البنتين من المحمديه وكانت هذي المدينه
هي وجهتنا الاولى في هذي الرحله ... طبعا البنتين من طرف
صديقنا اللي معانا على اساس ان بينهم معرفه قديمه .. وانهم راح يكونوا
مرشدين سياحيين لنا في المحمديه هههه
قالوا راح نروح المحمديه بالقطار .. واتجهنا للمحطه اللي بالمطار وحجزنا خمس
تذاكر في اي بي .. وماذكر بالضبط كم كان سعر التذكره
تحرك القطار وبدينا نستمتع بالمناظر الخلابه والاجواء الخياليه .. علما ان الجو كاان باارد حيل
خصوصا في هالتوقيت من السنه .. برد ياعمري برد .. المهم .. غيرنا القطار في محطة كازا
وركبنا قطار ثاني .. وعند الوصول للمحمديه اخذنا تكسي كبير وآخر صغير ..
واخذونا البنتين على منتجع يطل عالبحر في المحمديه اسمه قلعة المنصوريه
اخذنا شاليه 3 غرف وصاله بسعر 800 درهم مغربي في الليله .. 
يا بلاش
وهذي صورة من البلكونه .. صورتها من تلفوني :
منتجع رااايق ويطل عالبحر واثاثه كويس نوعا ما .. وجمل مافيه موقعه الاستراتيجي ..
عالبحر مباشره .. بس المشكله ان توقيت السفر للمحمديه غير مناسب ابد ..
لان هالمدينه جوها احمل واحلى بالصيف .. وحنا رايحين في عز البرد يعني ما تلاقي احد
برا .. حتى المنتجع كان خاويي على عروشه .. طول فترة اقامتي فيه ما لقيت ولا آدمي باستثناء
البوابين واللي شغاليين داخل هههه
المهم يا اخوان بعد ما حطينا اغراضنا في الشاليه اخذنا ارقام البنات و قالوا لنا
اذا احتجتوا اي شي كلمونا .. ولا تتردون وحنا في الخدمه ..
مرت الايام في المحمديه وكنا نشعر بالملل ..
مافيه غير الكافيهات و المرجان والماكدو .. بس اللي عجبني
ان الناس في المحمديه مسالمين وما يكلمونك ابد .. ولا يوجد فيها شحاتين ابدا
ناس محترمين بصراحه وخدومين لـ ابعد الحدود .. علما بأن كنا نتمشى في شوارع المحمديه
ومعانا البنتين يعني شكلنا ملفت للنظر .. ومع ذلك ولا اي شخص تعرض لنا او حتى عطانا نضرة عدم رضا هههه
قضينا ليلتين في المحمديه .. الاماكن اللي زرناها .. الماكدو و المرجان و مطعم ايطالي خطير
وتمشينا في شوارع المدنيه .. اللي عجبني فيها بساطة اهلها و جوها الخرافي
ونصحيه اللي يبي يروح المحمديه يروح لها في الصيف .. ما تصلح ابد في البرد
وفي الحلقه القادمه ان شاء الله راح اتكلم عن وجهتنا الثانيه .. مراكش الحمرااء
وفي مراكش بدأ الاكشن الحقيقي .. سوالف وعلوم وقصص حب
وغرام ههه والكثير .. تابعونا
__________________
i am a very private person, yet i am an open book
if you dont ask... i won't tell
التعديل الأخير تم بواسطة Oscar ; 2013-07-08 الساعة 03:39 AM