فائدهـ ونصيحه محبره بقصيدهـ
يامل عينن تسهر الليل كله
عيا يجيها النوم مادري علامه
كني غريمن فاقدن شوف خله
يجر موال العنا من غرامه
شليت حملن ماحدن فاق شله
يعجز عنه من هو صغيرن سنامه
لاتصحب الهافي تراها مذله
من يصحب الهافي تجيه الندامه
عليك بالي مجلسه ماتمله
واليا زهمته قام يكرب حزامه
وعليك بالي في النوايف محله
يسوق عمره دون ربعه قرامه
ولاتنشد من الرزق كثرهـ وقله
رزقك على الي ساق وبل الغمامه
والنفس قيدها تراها مظله
اترك هواها يازبون الشهامه
وزود الميانه والله انها مخله
اتخل من قدرك وتبعد وسامه
وامزح ولا تكثر ترى المزح عله
لصار ماله حد ياتي طمامه
ساير ولاتعاير بكلمه وزله
احذر تهزى كان تبغي السلامه
مسراك تحت نجوم ليلن مطله
اخير من مجلس ضعيفن مقامه
هاذي نصيحة شاعرن زان هله
يهل من جزل القصيد وقوامه
وصلاة ربي عد شوف الأهله
على النبي الي علا كل هامه
بقلمي
شعر : (( المهلهل ))
__________________
(( ابوي جعلها تبطي سنينك ))