*المعذرة لا اعرف تشكيل الكلمات.


صباح/مساء الخير

واحد من ركاب الرحلة يقول ما تعرفون TMI نقوله لا.. كل التفاصيل تهم... مراجعة على السريعة لكنها مليئة بـ Too Much Information


شكر:
- عرابي على المكالمة
- قائد المركبة: السيد شيبر
- للمضيفات الجوية بخط دبي>جدة شاهدنن مجهد واحدة منهن جابت باندول و الثانية قومتني من النوم و قالت فيه وجبة ثانية إن كنت ترغب .. ليت المضيفات الجوية بخط القصيم>جدة الصباح يكونون مثلها، ذاك الطاقم يبخلون علينا بقهوة سوداء في الصباح! ما ودي أظلم أحد بس تكرر الحالة و الغلاظة تعطيني إنطباع إن الهانق أوفر من جانبهم داخلن بيننا..


إتصل بي عرابي بالسفر:
ابجيك شهر.. بعد شهر
حلوو
شرم؟
فيه خط مباشر من جدة؟
شوي اشوف.. لا..
أجل لا..
وين نروح؟
ما ودي بها بس دبي ما عندي إلا 48س تزيد أو تنقص شوي.. مشغول تصرف، السكن خويي يمدح شقق هلتون جميرا* و بار المنتجع على المسبح..دبره..
الفطور ب غالي(نسيت المبلغ اللي قالي)؟ ايه لا؟
لا.. ابفطرك بمطعم باكستاني بعشره..

انتهت المكالمة أرسلت له رقم الفرسان..و ربع ساعة و تجي التذكرة على الجوال.. الرحلة بعد كم ساعة توك صاحي، راح تروح مواصل و بدون تخطيط.. أطعم إذا تعرف أساس حياتك بالمدينة اللي تبي تسافر لها.. الهدف:

إسترخاءءءء.. ابي استرخي، استرخاء رحلة ابريل راح مع حر القوايل و الناس!

الناقل الجوي:
شاهي مغربي منعنع
هاينكن

#دبل اسبيرسو من وقت لوقت لكسب الوقت!

الركاب و البعد الجغرافي:
(تجمعنا لم يكن مخطط له و لم ننسق إلا هناك.. استغلينا كل وقت و كلنا إنبسطنا و كلن على راحته ما احد فرض جدوله على احد، ما اعرف إلا خويي و من اول ربع ساعة كننا لنا سنين مع بعض.. السعة سعة النفس يقولون للي متسع المشهد عنده)
شخصين بهيلتون جميرا
شخص بارك حياة
شخص بـ اتلاتنس

أرغب أن أخذكم لدبي بالتفاصيل لكنها أحاديث خاصة و تجربة خاصة لا رغبة لي بالمشاركة، هذا ما خرجت به بعد الزيارة الثالثة لدبي:

- أجمل ما في دبي نخيلها.

- القالب اللي يحمل دبي لبر الأمان تم صنعه، هذا اللي معجبني فيها.. قوة الفكرة و التخطيط و التنفيذ و المراقبة و عدم الإستهانة بالنظام و تطبيقة على الجميع و المرونة العالية و تنوع المبادرات، كلن بيلحق الحكومة..قطاع خاص أو عام.. أعتقد لي تقرير سابق عن دبي في المنتدى و كتبت عن تجربة مشاهدة عملية صيانة لطريق، في أواخر ليالي سنة 2010م.. بذاك البراد و الجو العليل من أجمل مشاهد الإحسان.. و يوم انتهوا و صافحوا بفخر إنجازهم و الود يبان من فسخ دساسات العمل قبل المصافحة.

- ضيقوا سمائهم على أنفسهم. 16 متر ارتفاع كما قال اخويا هي ما أحب.. لا انشراح مع مصعد، .. وين بيوصلون؟

- المدينة مبنية على عرق البسطاء و أحلامهم، ذاك التصور لم يفارقني عند زيارتي أول مرة لشاطئ الجميرا

- السعوديين يحبون المسمع أكثر من المشهد؟ الجي بي ار ليس فيه راحة و لا إرتياح، قاتم جداً.. سيكون ممل أكثر إذا كثر العدد..

- لا أعودها ابداً إلا ماراً.. ابي ازرع الفكرة هذي علشان تلهين عن غيره..

- أفضل وقت نهاية اكتوبر لنوفمبر، 20 ذو الحجة تقريباً.. أعتقد الجو بيكون جميل جداً(ديسمبر بارد جداً بزيارتي الأولى)

- حاولت أن أجد هوية المدينة، لكني لم أستطع، إن لم تجد هوية فعليك خلق توازن لتعبر.. سكن مريح و فطور بعشره.. أو سكن مش مكلف و عشاء عند النافورة.

- فلاي دبي ليش ما تفتح خط دبي > دبي.. ذبحتونا بالبعد، المطار الثاني لهذا السبب.. مدن داخل مدينة و مطارات داخل مطار.

- نواحي دبي القديمة أكثر انشراح و بساطة.. المطار و محطة خالد بن الوليد وشارع العظيم زايد.. تلك النواحي لا أعرف اسمائها بالضبط و لها أكثر من اسم.



التنقل:
- سواق هندي نظيف و جنتل مان من شركة مصرح لها، يلبس رسمي يعرف متى يتكلم معك بأريحية و متى يؤدي عمله و يكون رسمي.. علمناه نظامنا: بسيطين، محادثتنا بالعربي لنا، نقلب إنجليزي علشان تدخل معنى بالمحادثة.. يجي أحد غريب معنا تعامل برسمية.. عرابي يحبونه بشكل غريب لأنه صريح معهم من البداية يقول لهم: انا ما ادفع لك علشان تكون صديقي.. و أشياء ثانية، ما يتكلم إلا إذا خاطبته أو أحتاج يعرف وين تبي تروح أو يقترح مكان.. ملم بأماكن المدينة و الأماكن المناسبة لكل وقت.. ما يعرف.. يتصل يسأل بسرعة و بإختصار ما يطول، لماح و يطلع موية باردة إن بغيتها.. ما راح أعطيكم رقم الشركة!.. بيروح لأبوظبي و قالي قبل ما ينزلنا للسهرة ابرسل سواق ثاني وارسل سيارة تكلفتها اليومية اعلى و تتأكد أن اللي مدربهم واحد و خطواتهم مدروسة بحفظ عملائهم لأن اللي غطاء عن سواقنا نفس معايير خوينا: شيبر..نسميه كحيلان.. نفس استراتيجة مؤسس إينغفار بوثائقي عرض قبل قليل على العربية، السعر واحد رغم أننا نقيم بثلاث أماكن مختلفة.. مشوارينا انا و صاحبي لهن الأولوية و بعدين أصدقائي الجدد.. صاحبنا كان يبي يمشي قبل نجي و يوم زانت ما قدر يمدد، الصباح نريحه..
جدولنا يبدأ 1م لين 6م و بعدها نريحه لين 11م بيتآخر يقولك بيتآخر.. دايم نطلع نجده موقف بالمواقف و السيارة فيها ثلاجة!.

- 79درهم قيمة التاكسي من المحطة اللي تنزل عليها السعودية للفندق.

- 60درهم، تاكسي الجميرا.. الأصفر، سيارة القولف المحولة.. جولة و تجربة حلوة و تصلح مجموعة.. فلّه، تؤنس كئب ذاك الطريق و الناس تبتسم لك.



أماكن:
- السلطان: مقهى و مطعم.. جددنا العهد.. لو ما فيه إبراهيم و بقية أهل مصر ما اتعمر المكان.. يزرعون الإبتسامة و هم جايين و هم رايحين و بدون مقابل إلا إبتسامتك.. ودعناهم بـ الله يوحد الصف.. جيناهم بنهار تجربة حلوة و انا احبه بعد 3ص.

- الش...: مقهى و مطعم.. من 3م إلى 6:30م آخر يوم جلسنا فيه.. مكان جميل جداً و هادئ و الشيشة ممتازة كل واحد اخذ راسين هناك.. ودي اني جربت الأكل بس اثرت حاجة ثانية قبل الإقلاع.. مطعم و مقهى، يصلح معارف و خاصتكم..، اخاف اكتبه كامل و يقلب لملامح و لبس حياة ريجنسي!.

- كنتاكي لخاطر أحلام :d >> - مطعم التنور أو حاجة زي كذا و اخطأ علينا صاحب المطعم و لم يقدم لا حق الضيافة ولا مساحة للجائع و فزعوا النشامى اللي يعملون و اعتذر بعد ما فهم اللبس لكن سبق السيف العذل.. مندي اللحم لذيذ و فيه وجبة أجانب طالبينها ودي اني مجربها و لا عرفت اسمها و يوجد ركن للعوائل، مطعم فيول برجر بالجميرا بس الخردل عنده بيخرب عليه لذة الوجبة.

- واحد من ركاب الرحلة جرب سينما VIP بمول الإمارات على 6م، القيمة: 130درهم.. يقول تجربة حلوة، ما وجدت وقت و صائم عن الأفلام الفترة الحالية.

- القفز المظلي، دبي: Skydive Dubai ما لقينا حجز.. اقرب موعد بعد 10 سبتمبر.. قالوا لنا تعالوا بين 11ص و 2م و ممكن ندخلكم في حال وجدنا فرصة! .. تكلفة الشخص 2000درهم إمارتي لا أعرف شامل الفيديو أم لا، و إخراج الصور و الفيديو تحتاج من 45دقيقة لساعة بعد الهبوط، كنا جالسين و كان فيه ناس يشوفون قفزتهم.. حاجة مختلفة الإنتاج.. بتذل أحفاد أحفادك بالفيديو و إخراجه، مدة التجربة كاملة: تقريباً 4ساعات حسب ما قرأت بالملاحظة اللي واضعينها.

- بارات: سكاي بار بمنتجع هيلتون(علب) - سكاي بار بمساكن هيلتون(علب..إصدار خاص و رائع) - بار المسبح بمنتجع هيلتون(درافت) - بار قبل الرحلة(درافت).. نسيت الباقي..

- لم آخذ ركاب الرحلة للمطعم الباكستاني بس طبخت إفطار بالشقة، مكان المطعم لمن أراد تجربته بجانب محطة خالد بن الوليد مقابل لسوق نسيت بعد فندق parks حاجه اسم الفندق آسيوي لكنه رائع جداً لمن اراد أن يقيم به.. فيه مطاعم كثيرة بتلك المنطقة و متنوعة.

- مساكن هيلتون جميرا، دبي - منتجع هيلتون جميرا

- سهر: حياة ريجنسي(ما يصلح معارف طبعاً!) منطلق اخذ لي لفه، اعرض مشروب حتى غير كحولي و الرغبة بالحديث و نسولف و نغير جو.. نغني مع اللي يغنون بس إندماج و أحاديث تنسينا المكان و الزمان، نآخذ ضمة و كل واحد يتمنى للثاني حياة حلوة و كل واحد يكمل شأن نفسه و نرجع تكمل سواليفنا باللفة اللي بعدها معها أو صاحبتها أو اللي بجنبهم و حتى الزقرت هناك نفوس زينهم بس بادر بالإبتسامة، و بأكثر من لسان.. المكان ما يصلح طاولة ابد.. استمتع فيه مشي و رياضة و مكسبك بيدك - حبتور(هادئ و شرح بس يبغالهم هيلكبوتر لبعد المسافة، شفته وودي اني سهرت فيه علشان جلساته و شراحته بس مشكلة دبي يقفلون 3 ومش وقت تجارب و انا ما تمسك صح إلا بعد 6 لو اي بادي من 6 البارح هذي مشكلة دبي، مثل اللي يقطع عليك حلم!، تغيير المشهد و المسمع قبل أوانه يقتل الحلم.. مكان ثاني نسيت اسمه بس بنفس الفندق فيه ديسكو و فيه نايت كلوب يصلح معارف و أصدقاء..اللي تحت قالوا لنا فيه طاولة بـ 1000درهم.. بغيت اقوله F O Brother العالم تخشخش بجنبي ببطاقات.. وجه لحياة يا شيبر لحياة، اسولف و يضحكوننا و نضحكهم ووو ، اعطني حريتي اطلق يداي..

- ثالث مقعد من الخلف -- ---- --





ارتباط:
Hilton

Dubai Jumeirah Residence

Skydive Dubai | Welcome to Skydive Dubai

TMI : Too Much Information

الإرتفاع و النوع:

1113 في مواجهة 1306

شقة بغرفتين مطلة على البحر
Two-Bedroom Apartment with Sea View

شخص من جنسية عربية شقيقة عطانا أول شئ إطلالة على البحر للغرفة الرئيسية و يقول ما فيه غيرها و يتصل د. لا تستغفلني على الإستقبال و ترد الشقردية اسيوية تقول فيه خيارات كثيرة عندكم بس بتأخذ وقت للتنظيف و
يطلب تغيير لصالة مطلة على البحر و نروح نشوفها، من الدور 11 إلى 13 و الإطلالة أفضل بكثير و أشرح اخذ وقت طويل للتنظيف و كلنا ما نمنا.. خدمة سريعة إذا كنت حازم من البداية، تعاملهم ممتاز جداً جداً و لا تخربونهم ببخشيش، يدفع لهم رواتب و قيمة الشقة مرتفعة.

1306 استرخينا لكن ودنا بالدور 43..

يلحق مشاهد من الرحلة، شكراً للقراءة و التعقيب إنتقائي لضيق الوقت.

السعودية+