توديع العزوبية للمرة الثانية (3 أيام في أكادير أغسطس 2013)

توحشتك بالزاف

مزعوط نشيط

المشاركات: 100

تاريخ التسجيل: Nov 2012

2013-09-24, 03:49 PM

الجزء الثاني

انتهت الليلة الاولى في المغرب من أصل ثلاث ليالي
ولم يكن فيها ذلك الأكشن المتوقع
خصوصاً وأنني سهرت لحالي والشباب داعسين نوم
على الساعه الحادية عشر ظهراً صحيت من النوم على اتصال صديقي
يقولي انزل حنا مجتمعين
طبعاً مشكلة الغرف اللي على المسبح
من الساعة 10 الصباح الى 3 العصر والأغاني على أعلى صوت
طبعاً اللي يحب النوم في ذا الوقت بيواجه مشكلة
لذلك انصحه بالابتعاد عن الغرف المطلة على المسبح
قررت أنا والشباب نطلع نتغدا ونتمشى
الشباب مشتهين رز ولحم
اقترحت نروح مطعم القلعة
طبعا الشباب يقولون نروح بالسيارة لانهم جواعه
وأنا أقولهم المطعم قريب من هنا كلها خمس دقائق مشي
طبعا الشاطي ممتلى بالاجانب ونسمة الجو جميلة والشمس دافئة
الوضع رايق جدا
المهم مشينا ومشينا والعيال يسالون وين المطعم ؟

وأنا أقولهم شوفوا شوفوا قدام كلها خمس دقائق
تقريباً بعد ربع ساعه مشي وصلنا المطعم ونلقاه مغلق
سألنا عن سبب الإغلاق يقولون حصل فيه انفجار غاز وناس أتوفت
طبعاً لست أكيد من المعلومة ولكن واضح أثار حريق على مبنى المطعم
قلت بس خلنا نروح مطعم مروان الشماخ
طبعاً أنا ما أعرف أي واحد بس أنه قدام قبل المارينا بشوي
وأمتر بالعيال تمتير لين بغيت أنطق

وقفنا في أول مطعم وأكلنا الظاهر مطعم (portfino)
طبعاً بغيت أنضرب قبلها من واحد يشحت والسبب إني ما اعطيته قارو "دخان"
يعني موضوع الشحاته صار مزعج شوي ويقلب مزاجك من فوق لتحت
طبعاً هذا أحد سلبيات المغرب اللي بديت أقارنها مع اسبانيا
وخلتني أعيد تفكير بسبب سفري للمغرب

ماعلينا كملنا على المارينا ودخلنا الحلاق
حلقت ذقن ورأس بي 100 درهم
كملنا على سكاي لونج
الجلسات الداخلية فاضية
والجلسات المطلة على البحر مليانة شوي
جلسنا وطلبنا 3 معسلات واتاي كبير
بصراحة أول معسل بالمغرب يضرب معي صح
كان معسل واعر والواي فاي حقهم جيد نوعا ما
تطالع يمين ويسار الوضع عامر
ورجه وصياح وضحك من كل مكان
إيه ي عيال دنيا جميلة والله
عاد أسال خوي اللي أول مره يجي المغرب أقوله وش رايك ؟
طبعاً قالي للحين ما سهرت بس الوضع مقبول
أقوله مقبول بس !!! أتقي الله يا رجل
المهم واحد من العيال شارد باله وفاهي
وبعد مراقبه نظراته قفطنا الهرجة
أعجبه كنارى جنب واحد لابس حجاب
طبعا يقولي كيف أقدر أتكلم معهم ولا لا ؟!
طبعاً قلتله ما مر علي موضوع الحجاب هذا بس جرب
وإن أكلت كف

أطلع من المحل ولا كأننا نعرفك
مساكين حنا متعقدين بالسعودية
ههههههههههههههه

صار الرجال حاله مو حال ووجهه ألوان
ومن اللعانه بدينا نلعب بأعصابه زيادة
تتحرك ولا بنقوم بدالك تراه شيء جيد
المهم قام الكنارى للحمام
وقلت له الحق عند الحمام وحاول
رجع لنا الرجال مرتبك وكل شيء يطيح منه
و صار ما يبي يعسل ويده ترتجف
وش فيك بسم الله عليك !!
يقول أخذت الرقم
نقوله : ماشاء الله عليك تستحي وأنت صاحي فديتك
هههههههههه

المهم نقوله أعزم على الطاولة ولا روح عندهم
أرسل مسج للكنارى بس محد رد عليه
دق على الكنارى الجوال مغلق
ههههههههه
حالته صعبه وصرنا نلعب بأعصابه زيادة
نقوله : مسكين أتصرفت وراحت عليك
والرجال قلبه رهيف وغرق في الحب وعذابه
بصراحه أول مره أشوف خوي كذا
هو ما ينلام بس مو للدرجه هذي عاد !!

بالاخير طلعنا وما صار مع خوينا شيء
وكملنا مشي بنرجع الاوتيل
حبوا العيال يسحبون فلوس وللأسف أكثر من 3 صرافات خربانة
مالقينا صراف شغال إلى في صاله قمار
قال واحد من العيال كيف نلعب بلاك جاك عالسريع
خصوصاً إنه لعب في اسبانيا بخمسة يورو وربح 40 يورو
سحبناه سحب على برا
رجعنا الاوتيل على المغرب تقريباً ولقينا في اللوبي محل مساج
سوينا حجز على اليوم اللي يليه
السعر تقريباً كان بمبلغ 800 درهم إذا مو غلطان
مساج وماسك للوجه وحمام مغريبي
طلعنا الغرفة وبدأنا تخطيط على الليلة
أتفقنا أخر شيء من 12 إلى 3 مخيطو
ومن 3 إلى 6 صحارى

وإحنا جالسين في البلكونة جاء لخوينا الحبييب اتصال وقطع
رجع يتصل ويطلع الكنارى حق سكاي
بعد الهدراه قالت أوكي بجي مخيطو أنا واثنين من صحباتي
طاير خوينا من الفرحه وبدأ يتشيك
وحدد العوارض وحط الجل بشعره واتروش بالعطر
خاااااق جداً الحبييب

طلعنا على مخيطو بدري شوي عشان نرتب الوضع
خصوصاً وأنا اسمع عن سيمو وحركاته اللطيفة ولا عمري شفته
دخلنا مخيطو الطاولات ببلاش طبعاً
عاليمين البار والطاولات اللي قدامه مليانه
عاليسار الطاولات فاضية بس الطاولات الخلفية بدأت بالامتلاء
بالنص بنات من الوزن الثقيل لابسين عبايات ونقاب
WTF !!
أول مره أشوف المنظر هذا بس يلا نعيش ونشوف
المهم سالت واحد وقلت له أبي طاولة
أشري لي على واحد طول بعرض واصلع من النص
قلت هذا سيمو ، قالوا إيه
قلت خلنا نشوف حركاته الوصخه
سألته أبي طاولة وقالي لحظة وسحب علي
طلع ودخل ، يروح يمين ويروح يسار وأنا واقف كأني مزهرية
بعدها أشوف حق مكتب المؤيد اللي بفندق أماديل مزبط سيمو وموصيه على ناس
قلت كذا النظام أجل
بعد خمس دقائق من المطاردة أنا وياه
جلسني على طاولة اتفقت معه العدد من 3 إلى 5
سعر الطاولة 1700 درهم على ما أذكر
جلسنا على الطاولة ويدق صاحبي ع الكنارى حقه طلع موجود ومتخبي
شوي جأنا الكنارى وأصدقائه الاثنين وأتغيرت الجلسة
الحبييب طاير من الفرحه طاير
وأخذه على طول جنبه
وبقى اثنين أصدقاء الكناري
طبعاً دنيا حظوظ .... دنيا حظوظ
والوصاخه والدناءة طبع بالبشر
وأنا في قمة الفهاوة صاحبي لقط الطيب الجميل
وأنا صرت مع اللي طيب بس مو جميل
ي ليل الليالي

قلت بقعد أسلك لخوي الحبييب وبشوف أخرتها
وأشار لي خوي الثاني كيف وضعك

وأقوله طيب وانا !!!
يقولي : ما عليه ما عليه الله يعوضك

شوي وأشوف الاخ سيمو قرب من الطاولة وقاعد يطالع فيني بنظرة سخيفة
قمت ورحت له خير إن شاء الله
قالي سيمو : أنت قلت لي 3 وصرتوا 6
قلت : طيب وين المشكلة بالضبط
سحبني على الممر الخلفي
قالي : المكان كذا ما يسع للطاولة اللي جنبك
عرفت بنفسي وش يبي ، طلعت له 200 درهم وحطيتها بيده
فجأه صار يضحك وأتغير تعامله معي
كل الطلبات بالوقت وكل شيء مزيان
ماهي إلا شويات ويتغير المود من العربي إلى الغربي
واشتغلت bella
طاولتنا الوحيدة اللي صارت تشطح

الكل مبسوط ومستانس إلا أنا ورطان
شوي وأنا أقلب عيوني يمين ويسار
وأشوف روبيانه كان بيننا نظرات حراقه اليوم اللي قبله بصحارى
جالسه تطالع فيني
قلت خلني أقوم أشوف وأستكشف
اعتذرت من اللي جنبي وقلت بروح الحمام
ولفه عالسريع وتبادل ابتسامات مع الجميع
وأنا طالع من الحمام لقيت الروبيانه قدامي
أووووه .... أووووه
قلت : كداير ولا بأس !!
قالت : لابأس
قلت : كأنك زعلانه مني ؟
قالت : أنت وعدتني أمس وما صرت ترد على اتصالاتي
قلت : فديت الزعلانين أنا .. بس أمس ما وعدتك أساساً .. خلاص اليوم أعوضك طيب ...
قالت : كيف وأنت مصيد ؟
قلت : هذول أصدقاء الكنارى صديق صاحبي وأنا مالي علاقة
شفت ابتسامه كبيرة من الروبيانة ، وقالت : طيب كيف ؟
قلت : نتقابل في صحارى ونتفاهم
رجعت الطاولة وأنا مرتاح نسبياً

وأفكر بتصريفة مناسبة اقدر أفارق فيها أخوياي بدون ما أخرب ليلتهم
بس ما راح أخرب على العيال جوهم
بس بسوي نفسي نعسان بنص الجلسة وأعتذر منهم إني بروح أنام
وأفقع على صحارى

وصلت الطاولة والكنارى وأصدقائه موفيه
والعيال زعلانين ومبرطمين
قلت : وش السالفه ؟
قالوا أبوهم دق عليهم وقال لازم يرجعون الحين
ضحكت عليهم ضحك

من الوناسة والفلة ما عرفت وش أسوي
أتروقص يمين .... أتروقص يسار
وأقول لصاحبي أجيب لك أحلى شيء بالدنيا بس لا تزعل
يقولي : ما أبي ، أبي هذا ولا ما أبي
أطالع فيه وأضحك وأقوله ي خفيف
المهم صرت وقتها أحس كأني طير حر طليق
أروح وأجي ع كيفي ، كأني كريستيانو رونالدو
بعد الكثير من الأكشن قفل مخيطو
وانا طالع شفت سيمو جالس على كرسي عند الباب
وشكله مش ولابد !!!
وفوق رأسه سكيورتي ماسك أكتافه
شكله كان غريب حاولت أحلل وش فيه ماقدرت أعرف

وقررنا بعدها نروح صحارى بس بعد ما نروح الغرفة أول
للأسف رجعنا الغرفة وما حسينا بالوقت
وقعدنا وطلبنا مزه حقت فندق أماديل
(جبن كرفت – وزيتون حار – ومخلل) والشيبس عندي
شوي أطالع بالوقت الساعه أربعة ونص
تباً لذلك
أخذنا السيارة وطلعنا صحارى
وصلت عند أول مدخل لقيت الباب قافل
أدق على الباب أقوله دخلني يقول سكرنا
تباً لذلك
قلت نروح ي عيال أطلانتك بالاس
شغلنا السيارة ووصلنا أتلانتك
وصلت البوابة الخارجية للفندق يقولي ممنوع الدخول
قلبت معاه مغريبي
وقلت له إنه واحد من أصحابي تعبان وبدخل أخرجه
قالي تدخل لوحدك بس ...
قلت أصحابي لازم يدخلون معي لانه ثقيل ومقدر اشيله لوحدي
قالي طيب اثنين بس ...
قلت معليش صاحبي الثالث بيدخل الكازينو يلعب شوي يمكن يكسب
قالي صافي أدخلوا
ههههههههههههه يتبع الاستهبال

وصلت المدخل وأذكر كان الدخول لسكان الفندق ببلاش
جيت أبدخل عادي كذا بدون ما أكلم أحد
قالي على وين ؟
قلت أنا ساكن بالاوتيل
قالي : كم رقم الغرفة ؟ حجرني الوصخ
قلت : 214
قالي : ما عندنا غرفة رقم 214 !!
قلت : خلاص كم الدخول ؟
قالي : 150 درهم على الواحد
دفعت 500 درهم وقاعد انتظر 50 درهم ترجع لي
قلت له : الباقي طيب
قالي ك خلاص صافي
هههههههههههه على كيفه هو يأخذ بقشيش
تباً لذلك
دخلت وكملت السهرة
أطلانتك مو زحمة مثل صحارى
وتوزيع الجلسات فيه أحلى والزبائن مختلفة شوية
هذا من وجهة نظري
انتهت السهرة الواعرة
ورجعت أنا وأصدقائي و أرتحنا من الحمل الذي أثقل ظهورنا
وانتهى يومي .....
انتظروني في الجزء الثالث

__________________

https://www.mza3et.com/morocco15822.html
سفرة توديع العزوبية أكادير - مراكش - كازابلانكا

سفرة توديع العزوبية 2
https://www.mza3et.com/morocco19885.html