عدت من المغرب و العود احمد
صباح السعادة و السلام عليكم اخواني المزاعيط
من 3 ايام تمت العودة بحمدالله من رحلتي الى المعشوقة الغالية المغرب
استمرت الرحلة لمدة 20 ليلة من 6/ 9 / 2013 الى 27 / 9 / 2013 ، 3 ايام بمراكش الحمراء و 17 يوم بكازا العشق
ترتيب الرحلة : كان حجز عن طريق الأماراتية ذهاباً و اياباً
السكن : كان بشقق طول مدة الرحلة في مراكش و كازا
عدد المسافرين : واحد بس اللي هو انا
المواصلات : طبعاً استأجرت سيارة بسائق طول مدة الرحلة
بداية الرحلة كانت من مطار البحرين الى دبي و بعد ساعة من الأنتظار خذت الطائرة المتجهة الى مطار الملك محمد الخامس، صحيح ان وقت الرحلة طوووويل بس ما حسيت به و انا مشغول البال بتقليب ذكريات الرحلات السابقة لمعشوقتي العزيزة و رسم الخطط المستقبلية _ حشا تقول مخطط استراتيجي _ لرحلتي ذي اللي على وشك ان تبتدي .gif "Maroc (1074)")
اول ما حطت الطائرة بمطار الملك محمد الخامس جاني احساس ما فارقني بكل رحلة لي للمغرب ، احساس متأكد ان كل مزعوط يعرف وش معناه بالضبط ، كان موعد الوصول الساعة 2 و نص الظهر
نزلت اتمشى و اول ما وصلت للجوازات اشرت على واحد لابس لبس المطار و قلت له اخويا واصل دابا من رحلة طووويلة بزاف الله يعاونك ساعدني ما ابغى اوقف بالطابور قال لي ابشر ، اخذ جواز السفر و قال اتبعني و اخذني لمنفذ الدبلوماسيين و خلص الأجراءات بدقيقة قلت له و الله انك نشمي و دهنت سيره ب 100 درهم و حمدت ربي على السهالات ، ما لكم بالطويلة خلصت اجراءات الجمارك بدون اي تعقيد و لا اكراميات و خرجت لصالة الوصول و لقيت السائق منتظرني سلمت عليه و قال لي هااا تريح بكازا و لا تطلع على طول لمراكش !؟ قلت له خذني لمراكش و نرتاح هناك
اخذنا الطريق بسواليف و شرب العصاير و ما حسينا الا وحنا بوسط مراكش و بصراحة انا ما رتبت لحجز سكن لكن الله وفقني برجل اسمه أمين ، وهو اسم على مسمى ، امين و مخلص و جزاه الله الف خير ، خذني على شقة طيبة قريبة من كافي لوبو و حجزتها 3 ليالي و سلمته المبلغ مقدم بعد ما ريحت شوي اتصلت بطوير كنت متعرف عليه جديد قبل وصولي، قلت له انا وصلت و تحمد لي بسلامة الوصول و قال اجيك ؟ قلت له حياك الله وبرسل لك السيارة تجيبك، وصل السايق بصويحبي و لما جاء يدخل الا العساس يوقفه و يقول ممنوع دخول الضيوف، حاولت يمين و يسار و العساس مو راضي ، اتصلت بأخينا أمين و شرحت له الموقف و الرجل ما قصر حضر عندي و حاول و لكن ما فاد شي مع العساس ، فأستسمح مني و قال لي بكرة تفضى شقة ثانية و انا اسكنك بها و تاخذ راحتك و ان بغيت رجعت لك كل فلوسك ، قلت له رجع لي ثمن ليلة و خل ثمن الليلتين معك و ادبر اموري بشقة الليلة و بكرة اجي اسكن بشقتك ، و بصراحة ما قصر معي و توادعنا .
التفت للضيف و قلت له ما تخبر سكن زين قال لي موجود و اخذنا لشقة عند مكان ينقال له سب دي كو ، و الشقة نظيفة و واسعة و غرفتين نوم و صالة و مطبخ و حمام اعزكم الله ، و اثاثها جديد و امان و اطمئنان هههههههههههههه
قلت له بكم قال لي ب 1000 درهم قلت له تم و دفعت لليلة و قضيت ما بقى من اليوم بالشقة بصحبة الضيف و اخذ من علومه و اعطيه علومي الى نهار اليوم الثاني.