اعتذر لكم اذا حصل مني تاخير او تقصير ..

ان شاء الله ساكمل تقريري و اتمنى تستفيدون من تجربتي ولو واحد استفاد من تجربتي اعتبره نجاح ..

فانا هذا اول تقرير اكتبه بحياتي يعني تقدرون تقولون عليمي لكن ما جعلني اكتب هو رد جميل بسيط للمزاعيط اللي ما قصرو معنا في شي ..


اكمل تقريري الذي توقفت فيه عند لاس فيقاس ..

احب اقول رايي في ان لاس فيقاس لا تصلح للعوائل خصوصا اللي عندهم اطفال ..

صحيح فيه مهرجانات و عروض جميله لكن برائي ان اغلب عروضهم مثيره في كل شي حتى لبسهم بالعروض لا يصلح خصوصا للاطفال و المراهقين ..

اضف على ذالك توزيع مجلات طووووووط للي يمشون بالشارع سوا كبار او اطفال ،،

حتى في الشوارع سيارات الاعلانات لا تخلو من الصور المثيره .. ودي انزل صور لما ذكرته لكن المنتدى و اعضائه ارقى منهم ..

عموما خلوني ارجع بعض ذكرياتي مع هالمدينه ،،

في اول زياره لي للاس فيقاس كانت في شتاء عام ٢٠١٢ سكنت في فندق new york new york

نبذه عن الفندق هو عباره عن فندق تصميمه مثل تصميم مدينة نيويورك من الخارج و حاطين مجسم لتمثال الحريه قدام الفندق هذي صور له من الخارج..











للمعلومية كل هالعماير هذي هي فندق واحد فلا تظنون انها عدت فنادق



فلما دخلنا الفندق كانت الصدمه في اللوبي والكازينو ما تشوف اخره ،، صوره للوبي وقت دخولنا له..



وقتها قلت لخويي كم يوم راح نسكن هنا قال ثلاث ايام قلت والله ما ضنتي تكفينا تشوف فندقنا كيف عاد الفنادق الثانيه ..

فبعد البحث والسؤال عن موقع الرسيبشن تم الوصل للرسيبشن اخيرا ولما سوت لنا الشيك ان قلنا كيف نوصل للغرفه طلعت لنا خريطه للفندق ههههههههه وشرحت لنا موقع الاصنصير اللي يودينا للغرفه ...

صوره من داخل اللوبي وفيه لوحات ارشادية



الصوره ماهي واضحه لاني مصورها وانا امشي


نرجع الان ليومنا الثاني في فيقاس فلما صحينا افطرنا وتوجهنا الى اشهر لوحة في فيقاس لاخذ بعض الصور لذكرى..








كان الجو رهيب عشان كذا تمشىينا بالشارع اخذنا بعض الصور على طريقنا


فندق الفور سيزون كان خلف فندق ماندلاي باي






دخلنا الفور سيزون وهذي صور له من الداخل ..





بعدها فندق لوكسر شكله الخارجي على شكل اهرامات مصر الحبيبه ..



غابت الشمس وبداءت الحياه بهالمدينة تطلع صور منوعه لشارع السترايب الشهير وقت الليل ...


















بعدها بداء الجوع يداهمنا تعشينا ورحنا لفندقنا لزوم نريح قبل السهره ونزبط الراس ...


توجهنا للفندق ريحنا وبدلنا وزبطنا الراس طبعا في فيقاس مسموح تزبط راسك حتى بالشارع يعني يخلونك ترقى سما سما لين توصل لما القمر والثريا و المزايين ..


كانت السهره في فندق wynn صور الفندق راح اعرضها في وقت اخر .. لان بحكم اننا رايحين نسهر خلينا جميع اغراضنا في الفندق حتى جوالاتي ما اخذها معي ..

لان المزمزه من نصحى مع الفطور الى وقت النوم ..

عشان كذا شعار الامريكان في هالمدينه هو
what happens in vegas stays in vegas

ويعني ذالك مايحدث في فيقاس يبقى في فيقاس

وانا احاول ان اكسر هالقاعده واقول للمزاعيط بعض ما يمكن قوله هههههههههههههه لان لاشي يقال ( سود الله وجه العدو )

وبكذا انتهاء يومنا الثاني بلاس فيقاس ..

انتظروني فاليوم الثالث ولما صحيت لقيت نفسي بالمستشفى