يا الّلي ملكت الروح لا تتعب الروح .... هوّن على روحٍ تبي منك راحه
...
دار الخفوق الّلى بالاشواق ملحوح .... لحّ الغريب الّلي نوى البعد زاحه
وارحم فوادي من التسلّي والمزوح .... وانته فهيم ابسلوته وانشراحه
مضناك من الفرقه جريحٍ ومطروح .... دامك بعيدٍ من يداوي جراحه
جازيتني عن طول وجدي ومسموح .... بنار في قلبي مساه وصباحه
ما اقدر على بعدك وانا منك مذبوح .... وش حيلتي في الّلي عيونه سلاحه
قلبي من اصدودك مثل طير مجروح .... طاوي على كسر المحبّه جناحه
شفتك بعيني برّ في لجّه ايلوح .... وانا غريق وما أعرف السّباحه
حسنك وزينك متلفنّي ولا بوح .... خيّم على قلبي غدر واستباحه
ليلي ونهاري من عنا شوقي أنوح .... عطني من الأشواق يوم استراحه
يا ليت ترحم حالتي قبل لا أروح .... وتروف بااللى ايعدّ شوفك رباحه
قل لي شعورك في صراحه وبوضوح .... أنا أحبّك قلتها في صراحه