السلام عليكم اول شي ياشين الكتابه من الجوال لكن الموضوع اني حبيت اذكركم بعيد الام وادري راح تعترضون وتقولون مابوه الا عيدين الأضحى وعيد الفطر أوكي خلينا نسميه يوم الام هالانسانه اللي طول عمرها تتعب لأجلك اسئلك بالله متى اخر مره فاجئتها بهديه متى اخر مره دقيت عليها جوال وقلت يمه احبك وأموت عليك اسئلك بالله متى اخر مره سئلت أمك انتي راضيه علي؟؟ وآخر شي اسئلك بالله يللي تقرى متى اخر مره بست رجل أمك وشميت ريحه الجنه؟؟؟؟ أمي وأمك ماتنتظر مننا هديه ولاتنتظر مننا رد الجميل لأننا مستحيل نقدر نرده لكن هذا مايمنع ان كل واحد مننا باكر يلم أمه ويقولها انا احبك وينزل ويبوس رجلها ويقدم لها ولو ورده ولاحد يقولي حرام لانها كل سنه من سنين عمرها ماتنسى اي يوم ولدتك ولاتنسى اول يوم رحت المدرسة ولاتنسى يوم تخرجك ولاتنسى يوم زواجك الام تذكر كل تفاصيلك من يوم ربي ادخلك رحمها فحاول تذكرلها لو يوم واحد وهي سهرانه وانت مريض ومثل ماتقول لحبيبتك لزوجتك لولدك لصديقك لمديرك انا احبك واحترمك واقدرك قول باكر لمن هي اكثر احقيه فيها ومن هنا أقول لامي فغيابها احبك امي وسامحيني على اي تقصير مني وارضي عني وادعيلي لاني بدون دعواتك ورضاك عني أظل الطريق وبالنهايه ربي يخليلكم أمهاتكم جميع ويرحم المتوفيات ويغمد ارواحن الجنه