المشاركة الأصلية كتبت بواسطة وردشـان

بخ انا جيت اسمعو يلا سالفه خالتكم وردوش في تركيا طبعا الحتسي ذا يومي رجوعي في مطار اتاتورك وانا بكامل كشختي ومعي شنطة سفره وشنطتها الصغيرة تعب اكسسوراتي وشنطتي الشخصية المهم دخلت ابي خطوطنا الكريمة احوس يمين مابوه احوس يسار مابوه وماحولي عرب وانا الانجلش لك عليه المهم مالكم بالطويله حصلت حرمه مغربيه سئلتها دلتني عالخطوط المغربية رحت ماحصلته ضيعتني زياده ياربي شسوي بعمري شوي ويجي واحد ابن الحلال من فصيله مهند كشخه أقوى شي وعطر ياعيني ومعلق تعليقه برقبته وشي مكتوب على جاكيته المهم كلمني تركي قلتله ها سم كلمني إنجليزي قلت له ايام فري هبي اي لوف يو اي مس يو اند ثانكيو هههههه امزح امزح المهم مالكم بالطويله تنحت خذا مني هو جوازي قالي موروكو وفهم الطبخه وصرنا حلوين نتعامل بالاشاره قالي الحقيني ياهو لففني كل المطار وانا مستانسه الرجال كشخه وحسبالي مدير المطار هههههه وأخيرا لقينا الخطوط المغربية مسكنا سرا قصينا التكت خذو العفش وارتحت وابتسمت وقلت له ثانكس سئلني اسمي قلتله قالي اسمه المهم ابي النحشه ناشب بالاشاره قالي رحلتي باقي عليها روحي اشربي كوفي قلت له أوكي هو ماشي وانا ورآه لين الكوفي قلت له تفضل معي قالي شكرًا لازم اروح قلت فكه وانا ابسم واتشقق وأشكره على أساس انه مدير المطار وتارك اشغاله وساعدني جلست بالكرسي ومااقفيت أحسبه راح الا وهو يطق كتفي أتلفت يبتسم قلت نعم وهو يذبل عيونه ويزيد ابتسامه قلت نعم فصارت الطامه قالي بقشيش افندم قلت هاااااااه قالي بقشيش عطيته اللي فيه القسمة وانا مصدومه>>>> شعندها اليسا. اثره الأخ شيال عفش وانا احسبه مدير او شي من كشخته ووسامته ما أقول غير يازين التعليم وياحظ من يرطن عنجليزي أبد مايتوهق وسلامتكم شهيق زفير تعبت