أسعد الله اوقاتكم اخواني المزاعيط
هذي اول مشاركه لي بهذا الصرح القيم بصراحه استفدت منه كثير واتمنا منكم يا أهل الخبره تفيدوني اكثر
أنا سفرتي الاسبوع القادم الوصول الساعه ٩ مساء لمدة ٨ أيام شخصين فقط
وهذي السفره الاولى لنا تنقصنا الخبره
وعندي الكثير من التساؤلات الي شايل همها ومخليتني تايه مارسيت لي على بر
فزعتكم يالمزاعيط وجاوبوني على هالأسله
١- السكن وما ادراك ما السكن عندي ثلاث خيارات الاول النخيل لكن مشكلته البعد وتعامل البوابين وبحكم اننا شخصين فقط أستبعدته نوعا ما
الخيار الثاني شقق بابيلون
الخيار الثالث شقق جاد سكن
وشرايكم وش الاختيار الانسب خصوصا انه يهمني ( النظافه ، المعامله الحسنه ، دخول الزوار ، الأماااان)
خوفوني بعض المزاعيط بأن الشقق موب أمان من ناحية المداهمات ؟؟؟!!!
وكذالك بأن جاد سكن الضيوف مايقبلون يجونك فيه ؟!!!! اتمنا التوضيح
٢ - بالنسبه للمبلغ المالي حدود ٢٤ الف لشخصين هل ناخذها معنا كاش ؟ ولا نصرف من هناك ؟ والشباب يقولون هناك حدك اليومي لصرف من الصرافات ١٠٠٠ ريال ؟!!!!
٣- وش افضل وسيلة نقل من المطار لمراكش سواق اتفق معه يجي من مراكش ياخذني ولا اركب مع اي تكسي بالمطار ؟
٣- بالنسبه لشيشه والمعسل هل اني بواجه مضايقات من الجمارك اذا اخذتها معي ؟ أخذها معي ولا أشتريلي من هناك وتقريبا كم سعرها هناك ؟
٤- وش الافضل اتفق لي مع سواق باليوم ولا أقضيها تكاسي خصوصا اني منيب راعي تمشي واجد
٥- تنصحوني ازرق لأقادير ليله ليلتين اشوفها ولا اكملها بمراكش وبس ووش ترشحون لي سكن هناك

هذي أهم تسألاتي الان ياليت يجاوبون عليها أهل الخبره بأدق التفاصيل
ومالي الا الله ثم مشورتكم