1- اختيارك للمدن جيد وجميل بس لو تبدل كازا مكان الرباط افضل لان كازا فيها خيارات اوسع من الكافيهات والمولات
2 - توزيع المدن مثل ما قلت فوق خلي كازا مكان الرباط واول ما تنزل علي طول روح مراكش واجلس ست ايام وبعدها اطلع طنجة واجلس فيها اربع ايام واخر ثلاث ايام قبل الرحلة خليها بكازا
3- ما بعرف كيف الجو بطنجة لاني ما زرتها بس سبتمبر في العاده يكون الجو مايل للبرودة مثل العام
4 - الاماكن كثير اللي تستحق الزياره ادخل اقسام المدن وتلقي شي تبيه من مطاعم وكافيهات ومولات واماكن سياحية
5 - السكن في مراكش وكازا في شقة لشخص ما يتجاوز 800درهم بالكثير وبتلقي اقل من كذا وممكن اكثر بس يعتبر سعر متوسط من غير حق الشغاله
6- السكن دامك لحالك وسيارتك معاك فيه اكثر من خيار امامك. بالذات لمراكش اما الروز قاردن او النخيل او شفة بوسط قليز
وكل هذي تلقاها بقسم العروض تلقي الاسعار والشقق
وفيه كمان شقق البابليون بوسط مراكش امنه امنه امنه بارادة الله سبحانه طبعا
طنجة ما. زرتها قبل كذا ولا احب افتي فيها بس الاخوان يمدحون شقق تستاجر عن طريق الاخت نور الهدي رقمها موجود بقسم طنجة
7- الميزانية انت تتحكم فيها بكيفك وبحسب رغبتك لكن المتوسط من 1500 الي 2000 يوميا قد تزيد وقد تنقص حسب الشخص وحسب الايام

طبعا الكلام اللي فوق من تجربتي الشخصية وكل شخص مر بتجربة غير عن اي شخص ثاني
وكل شخص ومزاجه والاشياء اللي تعجبه وتناسبه
انا بس حبيت اعطيك الشي اللي اعرفه عله يفيدك

ورحلة سعيدة يارب #