السلام عليكم

اخواني المزاعيط اسعد الله مساكم/صباحكم بكل خير لست من النوع الذي يجيد كتابة التقارير ولكن سوف اذكر لكم رحلتى بالمختصر وعلى شكل نقاط

الناقل / الخطوط السعوديه

الاقلاع من ابها الى الرياض وصلنا الرياض وكلنا شوق للمغرب اللى سمعنا عنه كثير ولاقد شفناه وفي تمام الساعه 3 عصرا تم الاقلاع الى مدينة الحلم الدار البيضاء ولاحظت ان العوايل كانو كثير معنا بالرحله لاني كنت متوقع ان المغرب ديال شباب وبس وبحدود 7 مساء هبطنا الى ارض مطار محمد الخامس وتم تختيم الجواز بدون اي مضايقات او اكراميات نزلنا مع الدرج وخذينا شرايح مغربيه وكانت مجانيه وفيها رصيد 20 درهم و2 ميقا نت قمنا وصرفنا دراهمنا من المكاتب اللى بالمطار وخذينا طاكسي ب 250 درهم لفندق فال دي انفا في البدايه كانو ناوين علينا قالو ب 500 قلت الله يخلي المزاعيط ماخلو شي الا دلولنا عليه توجهنا الى الفندق الجميل اللى انصح فيه وبقوه وكنا حاجزينه من بوكنق بحدود 570 ريال موقع الفندق جدا جميل ومطل على المحيط ويقع في منطقة عين ذياب المكتظه بعد الوصول خذينا شاور ع السريع ونزلنا لمطعم الفندق كان ودنا نجرب الطاجن خذينا طاجن وحريره وصحن مشويات وشحطونا ب600 درهم قلت لخويي هذى جزاة اللى ياكل مطاعم الفنادق واكل الله يديم النعمه بعد العشا خذينا جوله على الكورنيش الين وصلنا ماكدونالدز وقتها شفنا الشي العجيب قلت لصاحبي نفسي انفتحت للاكل ودي اتعشى مره ثانيه حسيت نفسي بعالم خيالي الجو براد والمكان عامر بالزاف والطيور من حولك اشكال والوان ودك تجلس وماعاد تقوم ابد بعدها كملنا طريقنا الين وصلنا مقهى مذهله كمان موجود بنفس المنطقه كان راسي يلف ابي شيشه دخلنا المقهى وطلبنا شيشه ب150 واتاي مغربي50 جو المقهى عادي ومايستاهل الواحد يروح له مره ثانيه رجعنا للفندق واحلا نومه بعد عناء سفر ويوم طويل , صحينا اليوم الثاني وكان كله تمشيه ع الكورنيش وسهرنا ب vip وماطولنا سهر لان اليوم الثاني رحلتنا على باريس ومنها على سويسرا والوعد بعد اسبوع يالمغرب