.... بعكوك بارض الملوك ...
بسم الله الرحمن الرحيم
السلام عليكم ورجمة الله وبركاته
اليوم الاثنين الموافق 30/5/2011 الساعه 0840 صباحاُ ومن مطار الملك خالد الدولي وبتحديد صالة المغادره ... ابداء معكم مذكرات .... بعكوك بارض الملوك ...
الحلقة الاولى :
قبل شهرين تقريباً ..مسكت معي على السفر للخارج ... وجلست افكر وين اروح مره اقول شرق اسياء ومره تركياء .. والقلب حان للروحه لمصر .. ولاكن الشكوء الى الله هبت الثورات خربت على عالم
المهم قمت اقلب في النت .. وابحث عن اجمل الوجهات .. واطيح بصدفه بمنتداء مزاعيط المغرب ... ومن باب الفظول قمت اقلب في ابوابه واقراء المواظيع الي فيه ... ولا اخفي عليكم اني كنت مستبعد الروحه للمغرب نهائياً .... ولاكن مع كل موظوع اقراه يبداء التفكير بالمغرب يزيد ... ويزيد ... ويزيد ... الى ان صارت الروحه مطلب قومي وهدف شعبي لساكنين بداخلي ...تعرفون الوظع مايسلم ... المهم كلمت بعض الاخوان وشدو من عزمي .. وقالو قدام .. الله من الخرطي ... ويوم قرب الموعد .. صار كل واحد يتحكحك
الاول قال جتني دوره وحرام اتركها وانا لي فتره انتظرها .. والثاني قال .. الحقيقه انهم كلفوني اكون منسق الوفد الزائر الفلاني ... يوم خربت الخلاق معي وصرت اسب واشتم فيهم واقول الشرهه على الي يتعنز برخوم
المهم حلست افكر واقلبها في راسي .. واقول يالله خيره خل هسنه رحله عائليه .. معني قبل شهر ونص مقصرت مشيت الاهل وخليتهم يفلونها .. ولاكن مثلكم عارف في مثل هل الموقف الواحد يحاول يعزي نفسه ويسوي انه عاااااادي ... وجلست قرابت العشرة ايام وانا على اقلب الموظوع مع نفسي ولاكن الروح عصت ومالها الا الروحه المغرب.... وبتحديد قبل اسبوعين وانا الي امعطها الى مكتب الخطوط بالمروج واقص تذكره لكازا بسعر معقول جداً (1850) ريال .... وبعدها زانت النفسيه وارتفعت المعنوية وصار هاجسي وسلواي ترقب الرحله .... واليوم هذا انا في المطار جالس على الكرسي بصالة المغادره وشكلهم بدو يعلنون عن الرحله .... الساعه الان 0915 صباحاً .... ادعولي ياشباب ... الان بقفل الجهاز وبحرك للبوابه ... وان شاء الله كل مجت فرصه بكتب الي يصير معي اول باول ... سلام والى لقاء قريب
__________________
