رحله اكادير..السكن والسياره
الحمدالله وصلنا البارح من من المغرب وحبيت انقل تجربتي المختصره في السكن والسياره للافاده. طبعا احنا سوينا حجوزتنا او نلاين كالعاده عشان نرتاح من الصداع. اول ماوصلنا المطار رحنا لشركه دولار الي كنت مسوي فيها حجزي اخذنا رينو ٤ ابواب ب ١٨٠ لليوم، وعلي طول مسكنا الخط بنروح لاغادير، طبعا اول تفتيش بعد المطار وقفونا عطيته الاوراق ورقه ورقه قتله اذا ناقص شي قولي ارجع المطار قالي سير ونفس الشي دخلت اغادير. وصلنا اغادير علي طول المرجان شرينا الي نبيه ومشينا اماديل حجزنا كان ١٢ يوم غرفتين علي البحر مع فطور وعشا سعر الليله ٧٤٠ درهم للغرفه وهذي فايده الحجز اونلاين. الحمدالله انبسطنا ولا اضطرينا ندفع لاحد لا من استقبال ولا سكرتيه في الفندق. بالنسبه للثلج تعرفون الجو حار كنا نخلي الي معنا كل يوم يجيب ثلج بشنطته ونفس الشي اذا بغينا نجيب اكل للغرفه. بالنسبه للسهر ماكنا ناخذ طاوله علي البست لان الطاولات الي وراي تكون علي الطلب فبدل ماندفع الف وفوق كانت فاتورتنا اقصي شي ٥٠٠ درهم. من بعدها رحنا الرباط. هذي باختصار تجربتنا من ناحيه الاسعار.