خــلاص مـالى ومال الـحب و ازعــاجـهـــ !!!!
ياصغير السن قدرك طاحت ابراجه
الجرح خلا الصخر ينطق ونطقني
خلاص ماعاد تعني لي ولا حاجه
رح جعل ربي يوفقك ويوفقني
من بعد ماكنت نور العمر واسراجه
الحين صرت الظلام اللي يطوقني
عطيتك اكثر من اللي كنت محتاجه
اسرفت بالحب لين الحب وهقني
خلاص مالى ومال الحب وازعاجه
مالى ومال الدروب اللي تضايقني
تعبت اضم البحر واهدي امواجه
تعبت اجامل واشوف الوقت يسرقني
شكوى للي عليه الضيق وفرجه
اللي اذا شاء يغفرلي ويرحمني
اما انت يابو جبين معقد احجاجه
لاعاد تسال علامك منت طايقني
الناس كلن على دربه ومنهاجه
وانا على الناس مابه شي يفرقني
الا اني احب الصدق واواجه
مخلوق والله على هالوضع خالقني
صديقي اضماد الجرح واعلاجه
على كثر مارفقته صدقني
لو ادري انه مرافقني عشان حاجه
لقضبه حاجته واقول فارقني
