هذي القصه صارتلي في اول رحله لي بالمغرب قبل تقريبا 8 سنوات وقتها الدنيا هانيه ومافي مشاكل ولا شي طبعا قبل الربيع العربي

السالفه كنت مع صاحبي راعي التاكسي نتمشي بعين دياب وشكل راعي التاكسي خليجي مسوي سكسوكه وما تفرق بينه وبين الخليجي
جلسنا نمشي بالكورنيش وقال بروح السوبر ماركت اجيب عصير ودخان وقلت اوكي انتظرك هنا واول ما مشى
جوني اثنين بنت وولد ورحبو فيني وانا جالس بالزاويه ادخن وقالو عندنا عروض وجوايز ممكن نسئلك قلت لا قالو سوال بسيط قلت انا مشغول
واعتذرت منهم بادب لان مابي وجع الراس وعارف وش نهايتها معاهم
فجاء البنت شتمتني وقالت انت مو رجال ولا خايف !!
افا هنا بدا الغلط وعلى طول رديت عليها وجاني المغربي يبي يتضارب معايا واول ما بدا يمسكني جاء راعي التاكسي جري
يدافع عني وقال ايش صار قلت صار كذا وكذا فجاء راعي التاكسي جاء للبنت وتكلم معاها بالمغربي بشكل تهديد وجتني البنت اعتذرت ومشت
فنصحني راعي التاكسي قال طنشهم وسوي نفسك ما تسمع ولا ترد عليهم
الخلاصه هذولي يشوفوك ضحيه فلازم يفترسوك ويطلعو منك اي شي فالافضل التطنيش

__________________